الموضوع: و أعشق الشمس لا مالت ب وقت الغروب
عرض مشاركة واحدة
قديم 10-04-16, 11:21 AM   #1
(قيثار الحب)

الصورة الرمزية (قيثار الحب)

الحاله »  (قيثار الحب) غير متواجد حالياً
رقم العضوية »  6886
التسجيل »  09-09-2014
فترة الإقامه »  3531 يوم
آخر زيارة »  02-02-19 (04:16 AM)
المشاركات »  4,341
المكان »  اي مكان تجدني
الهوايه »  عازف ومتذوق للشعر
MMS ~

الأوسمة و جوائز

Domain 7dca28173e و أعشق الشمس لا مالت ب وقت الغروب



قلت للقلب تكفى عن غلا البيض توب
و خل عنك الهوى و أنس التعب و الغلايب

أنس قيض الهموم و سرمدي الذنوب
و السهر و الجروح الداميات العطايب

قال يابن الحلال أنا عليه مغصوب
كيف تبغاني أنبض دون حب و حبايب

و أنت تدري ماهو ب الكيف يومي أذوب
الهوى ذايبٍ فيني و أنا فيه ذايب

قلت زين الشقى ماني ل عرفه طروب
و ماني أهوى تكباد النكد و النشايب

ما تشوف التعب بين علة و الشحوب
أنت تعشق و أنا لي الشقى و الطلايب

قال شيء أنكتب لا عاد ترجي الهروب
و الصراحه ترى ماني ب كل السبايب

صح غالبك لكني تراي مغلوب
ما أقدر أقاوم الزيات شقر الذوايب

قلت يا قلب لا صادفك غروٍ لعوب
أحذر تعاشره يجلب عليك المصايب

لا تعاشر سوى ظبي عديم العيوب
ماهو من الخبول مكثرين النحايب

قال أقول أنثبر لا أعلقك ب الهبوب
ولا تخليني أحب السما و السحاايب

و أعشق الشمس لا مالت ب وقت الغروب
و أنت فكر على مهلك و شوف العجايب

قلت يا قلب ما تدري أن باقي القلوب
مستريحه من الأحزان و من التعايب

ول يا قلب م أكثر ما تحن و تلوب
أعقل و توب قبل أتصير فيك الغرايب

قال دوبي طعمت الحب و العشق دوب
و أنته اذيتني كني من الحب شايب

شوف لو قلت لك ب توب فأنا كذوب
عن هوى الغيد تبطي عضم ماني ب تايب.


 

التعديل الأخير تم بواسطة (قيثار الحب) ; 10-04-16 الساعة 11:22 AM سبب آخر: تعديل