السلام عليكم ورحمة الله وبركاته

بداية قبل مااكتب مشكلتي ...لمن اراد الرد ..لا يحطمني لا يرد باسلوب اني مخطئه

ويحملني شي فوق طاقتي او حتى يرد باسلوب اللوم لاني جئت اطرحها ابي ردود تساعدني ..ابي اتغير ..
ابي ردود تعطيني امل ..انا بائسه جدا من هالحياة راح اقص عليكم حياتي من الالف للياء

انا بداية تعب قلبي منذ ان دخلت سن 19 ع مااظن

الان عمري 25 سنه ...انثى .

المهم اخوي تزوج من بنت تقربني بالسن اكبر مني بسنه كانت

حبيتها واعتبرتها اختي وصاحبتي ..ويوم قالو انها حامل ..في ذيك الفتره اخوي اخذني عنده قال تسلينها وتسليني وبنفس الوقت اطبخ لهم ..تشوفو البيضه لما تحاول تهتم فيها انها ماتفقس انا كنت كذا معها
جلست عندهم بدات تشك فيني اني بسحرها اني بفرق بينها وبين اخوي بدات تطلع عيوب علي بالطبخ بدات تراقبني

بس كنت اسكت مااعطي الموضوع اهميه ...لاني احبها واحترمها لانها زوجة اخوي ..

طبعا انا ماعرفت معنى ان كيدهن عظيم الا لمن شفت بعيني ..

غيرت اخوي هالبنت صار بيننا طره مو طبيعي صرت الحين لمن اشوفها اسمع صوتها اعصب
لانها اذتني في مواقف كثر ...انا من المواقف اللي صارت

صرت ماعاد اتحمل احد ..كنت في وقتها احتاج احد يلملمني في ذيك الفتره صحيح اخواني ماشاالله كثر بس مو قريبين اني ممكن اشكي .او حتى انهم يفضون يسمعوني

حبيت لي شخص عن طريق الدردشات ايامها طبعا لانه اهتم فيني ..عبا الاحتياج بداخلي
بس مشكلته انه كان تعبان ..ومازال يعني انيميا الدم الحاد عنده حالات اغماء كثيره تجيه في الاونه الاخيره ...طبعا منذ ان تركني وانا اعصابي زادت

توتر غضب

حياتي متشربكه في الهم والغم المشكله ماتوقفت ع هذولا بس
بس حتى الوالده تعاملني بالاسوا بالذات اذا جو زوجات اخواني توقف معهم سواء غلطو او ماغلطو ..حينها انا اكون الغلطانه تحب تطلع علي عيوب كانت فيني او لا

بس زوجات عيالها لا ..احيانا اكره امي ..لانها تظلمني ماتحسسني بحنانها ولا لمره
اخواني المتزوجين صارو يوقفون مع زوجاتهم وهم عارفين انهم غلطانات

يتكلمون علي ويبوني اكون هاديه ..

انا مشكلتي كل ماحاولت اكون صامته ماتكلم معهم يطلعون كلام او حركات

تعصبني

وقتها والله ماتحمل اعصب وارجع اهاوش بالصوت ..

انا طبيعتي اضحك كثير بس عشان انسى اوجاع صارت لي منهم ..


احيان يذمون ضحكي ليه كذا ....



مشكلتي الان احتاج احد يملي فراغي ..بس ماني عارفه كيف ..حياتي مره

مادري لمن التجأ كثير اتضايق اعصب ..انا صرت حساسه كثير من ان احد يجي يتكلم علي حتى لو كلمه بسيطه
احاول اتجنبها بس ماعرف اعصب بسرعه ..

يقضى ذلك الليل بالدموع واصلا نسيت النوم بالليل من وقتها

ساعدوني انا احتاج نصايح تغيرني

من حالة العصبيه وحالة الضيق وحالة الشعور بالاحباط وحالة اني كيف اقدر اتحمل زوجات اخواني

كيف احب امي اللي تظلمني بين وقت والثاني ..

انا احتاج اتغير
وكيف اغير حبي لذاك الشخص اللي ماعدت احط امل انه عايش ...

انا احتاج اهتمام ...

يمكن ماعرفت اكتب اللي يحصل بالتمام اعرف كلامي ملخبط
بس اتمنى تكون وصلتكم مشكلتي ....