 |  | |  |
| السلام عليكم ورحمة الله
انا بنت و ابي رأيكم بدون مثاليه خاصة البنات
وش رأيكم بالي تحط زواجه بس رجاجيل ما يحضرن الحريم
فيه أسباب المهم منه اني حسيت زوجي ماديته مهي ذاك الزود مع أجار الشقه و اثاثه و السفر و يصرف على امه و ممرضه لها و اختين له و تعرفون الي صار مع هالرواتب هو ما شكا لي بس انا لاحظت و حسيت من حاله و نفسيته و ما تسوا اضغطه على ليله مهي طالعه مثل الأحلام و على ناس والله ما يستاهلون لا خوال و لا عمام
بس تعرفون الرجاجيل تلقينه بكره يعايرك بها ويشوفني ناقصه اخاف انكب عمري هو طيب و يستاهل و اشوفه يضغط نفسه يجيب لي الزين ما قال ظروفي بجيب على قده بس الرجاجيل ما تعرفين لهم فيهم انفصام يخلونك تندمين على طيب هي زواجاتنا عايليه بس هو بيسويه لخاطري و انا و الله سكت عشان ما بين ناقصه و لا ما ودي به و لا يفرحني انه يحط قاعه و هالخرابيط
أقوله و لا وش رأيكم | |
 | |  |
اهلين اختي انا مادري انتي من اي منطقه لكن بقولك بالقصيم بعض الحظر مو كلهم ملغين حفل النساء من زمان
الحفل لرجال فقط والعروس تزف لزوجها من منزل اهلها الى مقر زوجها ان كان له بيت ملك او مستاجر
انا استغربت ولكن هم اعتادو هذا الامر لماذا لا اعلم ولكن لايوجد حفل ولا زفه ولا اي حظور نسائي مطلقا
ليس جميع اهل القصيم انما بعض الحظر منهم وليس الجميع مالسبب لا اعلم
بارك الله لك زواجك وتمم لك ع خير