وعليكم السلام ورحمة الله وبركاته
الحمد لله بخير انتي شخبارك
ومبروك الملكه وعقبال العرس يارب وتترسين البيت عيال
كل شخص في العالم اذا انصدم تكون ردات الفعل حساسه لبني البشر بوجه عام
وحتى انتي انصدمتي من تصرفاته
لذلك انتي الان حساسه وبزياده
بالله وش جاف ذي
اللحين ابي افهم اذا قالك
احبك يومياً وش الفايده
يعني فرضنا قال احبك وانتي وش تقولي احبك زود
وهو يقول لا انا اكثر
وانتي تقولي لا والله انا اكثر
بالله عليك تيب وبعدين
والله ماحس لها اهميه انها تنقال اصلاً لان مالها جواب وبشكل يومي ممله
نفس الكاسه اذا امليتيها ماء توصل لقدر معين وتكتفي اذا زودتي يطفح الماء منها يعني ينكب
لو انك ماتقوليها له كان هو اللي قالها اتوقع هاكا والله اعلم
يعني طلبتي الطلاق وطنشك وتغير لجلك هذا معناته انو يبيك
وبعدها
عادت ريمه لعادتها القديمه هو مشى ع نفس نظامه
وانتي رجعتي لنظامك تبين كلمة احبك وتبينه قدامك
شوفي انتي مو تبينه نفسك اكيد هو يبيك اللحين نفسه
انتو عكس بعض بس ان شاء الله بعد ماتسكنو تحت سقف واحد يكون لكم نظام يجمعكم
كروتين حياه يقابلك وتقابلينه
لذلك اهجدي هذه الفتره وخلي الحب وكلماته لما بعد العشره اللحين بتخلصين كل مشاعرك
ولساتك ماغديتي لبيته خبي شوي منها
يعني اشغلي نفسك هذه الايام ولاتدقي عليه كثير ابداً
خليه يفقدك ان دق ردي مادق عادي استمتعي بحياتك بيت ابوكي راح تفقديها بعد ماتنقلي لبيتك
هذا مالديه بالتوفيق عزيزتي امنياتي لكِ بالسعاده
تقبلي ردي وعبق وردي مع خالص احترامي لسموك
آسيرة حرف