اليوم بتكلم لكم عن شيء ، شيء جميل
كل شخص يحبه ويتقبله ، ويغير مزاج يومه لـ 180 درجه !
متصور !

..

كل شخص له حياته وحياته اقدر اقول له ؟
صحيح ان الحياة مو لي ولا لك ولا لأي شخص !
والحياة ما عمرها عاشت لشخص محدد
حنا اللى نعيش حياتنا ، وحنا اللي نخليها حلوه او سيئه
بس املك الحياة و آسر العالم ، واصبح الشخص اللي عايش !!
عايش الحياة بكل شيء ، وبكل لحضاتها .
واخيراً خلك سعيد ، رغم كل الظروف ابتسم وخلك سعيد .
انت سعيد ؟ طيب وش رايك تسعد اللي حولك ؟
اسعدهم بشيء .


..

والحين بأوضح لكم مقصد الموضوع
من لآ شيء ممكن يصير شيء !
من ابسط الاشياء ممكن يصير اعظم الاشياء !
ومن حياة تعيسة ممكن تصير اسعد حياة بالحياة !

رحت لدوامك وانت مشوش تحظر كلاساتك او تشتغل وانت متضايق وما تعرف ترتب افكارك
مع انك كنت الافضل في ترتيب الافكار !! ومع ذلك تستمر في شغلك وكل هالمشاعر تحولت
لظغوط ! والصعوبات بوجهك وملامحك مرهقه ؟
وفجأة تجيك رساله من أي شخص وتقول :-
الله يحفظك ، دير بالك على نفسك .
ولا تسرع بالطريق !
وتنتهي الرساله بقلب وورده

وتبتسم وتضحك ، والحين تغير مزاج يومك بس عشان رساله !
راح التشويش اللي بعقلك وجلست تنظم افكارك وتنام بدري عشان تقوم وانت مروق
وتفطر مع اعز ناسك ، وتداوم وانت سعيد .
تغير كل شيء ، عشان بس رساله !
طيب حنا نقدر ، نقدر نسوي اشياء تسعد اكثر من رساله !!
طيب ليش مانسوي ؟؟


..


اسف 1999 مره عالمقدمه الطويلة مره ، بس بالنسبة لي افضل طريقة عشان اوضح لكم
فكرة الموضوع هي المقدمة .

طيب الحين وضحت الفكره ؟
..

تدري ؟ كل ماتسعد شخص تسعد نفسك ؟ حقيقه !
شعور اسعاد أي شخص بالحياة وتخرجه من الجو الي هو فيه شيء جميل ومميز !
والاهم فالاهم واكثر شيء عندي مهم هو : انك تترك اثر


فيه احسن من كذا ؟

..

وقبل ما تسعد أي شخص ، اسعد نفسك بالأول
وهذا شيء مهم مهم ، كان ودي اذكره اول الموضوع عشان تكون تسلسل مترتب .
بس وضحت لكم هدف الموضوع والحين اوصل لكم طريقته
وقلت لكم جيبوا لكم كوفي ، مخمخوا على الموضوع صح .


كيف تسعد نفسك ؟
حاول تتقرب من الاشياء اللي تسعدك وتترك الاشياء المزعجه بالنسبة لك .

وكيف ؟!!

1-تقرب من الله .
2-حب ذاتك .
3-خلك اجابي متفائل طموح صاحب نظرة عاليه .

..

حب نفسك واهتم فيها
بلاها اتكلم عن هالشيء لأنه علم ، ويبيله جلسة موضوع ، خلوا أي عضو يسويه

..

خلك شخص اجابي مو شرط تكون طموح ولا متفائل بس خلك اجابي
وهذا بعد يبيله جلسة موضوع .

..

الحياة بتنتهي وحلو الشخص يترك اثر حلو وراه .
مو شرط هديه ولا رساله ، ترا السعاده يمديها تجي بالكلام .
الكلام الحلو المرتب ، اللي يخليك مبتسم غصباً عنك

انتهت فكرة الموضوع اللي فوق .

والحين بتكلم لكم عن شيء مهم
هو بتسغربون شدخل ! بس انصتوا

فيه اشخاص مرح يتكررون في حياتنا
( امك – ابوك – اخوك – اختك )
مافيه أي شخص مثلهم ، وهذول ما يتعضون ابداً ابداً
ان شاء الله صديق ضل معك 10 سنين عمره مرح يصير زي اخوك
هم اللي بيبقون معك ، وسندك ، وتتاج على راسك
هم بس !
يعني حتى لو معك مشكله مع أي شخص من اهلك
روح تصالح معه حتى ولو هو غلطان ، واعرف سبب زعله !
واجلس معه ووضح له
ترا ما يستاهل اخوك ولا اختك يزعلون منك
انتم من بطن واحد ومن الدم نفسه
يعني ماله داعي ترفع ضغط اخوك ولا اختك
ولا تنسى مهما اللي يسويلك اعرف انه لمصلحتك

واللي ما فكرو في امه ولا ابوه ترا مرح يلقا خير طول حياته
انتبهوا لعائلاتكم حتى ولو هم ماش ، رح علمهم ان الاخوان يد وحده
وان الحياه مرح نعيشها مرتين .
واذا تقول حياتي بتصير احسن اذا مافيها عائلتي
يمين بالله بتكره حياتك ، وفي النهايه اقدر اقول ( العائله هي الحياه )
هم اولى بالسعاده ، هم اولى بأن تسعدهم

*اذا احد من اهلك متوفي
عظم الله اجرك والله يكتب لكم لقا في الفردوس يا رب

..

بأختصار كلامي يتكلم عن 3 نقاط :-
1-اسعد نفسك
2-اسعد اللي حولك واترك اثر
3-اهلك هم حياتك

يمديك تصور لنا اشياء قدرت فيها تسعد اللي حولك ويمدكم تتناقشون عن الهدايا
وعن افضل طريقة لترك اثر

الحقوق :-

الهيدر : اسيرة حرف
الصوت : مطر الفجر
التعديلات : princess

..

اطلق تحيه
اخوكم : 165