يامعجبه قفلي وانسي تليفوني
انا على خوتك ماعاد يمديني
ان كان لك في الهوا شوط ماراثوني
لي في اوله خطوه وحده وتكفيني
بيني وبينه يكون الله في عوني
مثل مابين اليهودي والفلسطيني
سموه حرب او ضياع او فلم كرتوني
لا الدم دمي ولا السكين سكيني
سهم تعداني وسهم قصر دوني
وناس مياسيري وناس مياميني
مثل ماعشتي بدوني عيشي بدوني
ماكل من راح للبحرين بحريني
من كثر ماضاقت من احبابي عيوني
ماعاد شفت الطريق اللي يوديني
شريت ببكاي ضحكتهم وبكوني
إلا احرقوا دم قلبي في شراييني
مروا على مثل الاشباح وتعدوني
لا ضيعوا عقلي ولا غيروا ديني
صديت عنهم ورحت أمشي على هوني
وأن جيت أدورهم الله لا يحييني
من رخصهم لو من دموعي شحب لوني
مع كل دمعه يطيح أثنين من عيني .....