يامرحبا ياهلا مليون ترحيبه.....بالي نهار الربوع العصر صادفني
يامحلا قولته لي طالت الغيبه...تفرح فؤادي وتسعدني وتنعشني
بالي يهلي وانا من قبل اهلي به...شوفه يزيل التعب والهم والحزني
نظراته رحمه وانا نظراتي مريبه...ودي اقوله واخاف انه يكذبني
جيله مهو جيلي ولا عرف اساليبه...اخشا اتوهق ورده مايناسبني
انا مجنب ودرب الحب ماليبه...لاكن غصبن غضيض الطرف يجذبني
من يفزع لواحدن عسره مطاليبه...يكتب لي ابيات نفس القاف والوزني
وهج القوافي ترا الشايب ظهر غيبه...عسى الجماهير يادريت تساعدني
تكفون بالله قولو وش اسوي به...بالي جماله دمر حاله ومتعبني
الله عطاه الحلا والملح والطيبه...وانا عطاني غلا شخصن معذبني
هذي ميزات الهوى وهذي عذاريبه...والحمدلله لاجاني ولا مجني
كلام مباح لاجد(ن) ولا غيبه...يونس القاري الي مايعاتبني
ياقاري الشعر شف وزنه وترتيبه...كثر التأني وضبط الحرف يعجبني
وسلامتكم..