أبيه يبكي لين تعمى عيونه
أبيه يشكي لين ماعاد ينطاق

حتى يخالط صحته في جنونه
حتى يعيش بوحدته كل ماضاق

يوصل إلى أقهر مساوي ظنونه
يوصل إلى أسواء معاناة الإرهاق

يمشي يحس إن البشر مايبونه
يمشي وتكره ساقها راعي الساق

يضيق صدره مالقى من يصونه
يضيق يظلم عالمه كل ماراق

خله يعاني خل تكثر شجونه
خله يقول إن الألم داخله فاق

يموت حسره عايشاً في مهونه
يموت ورده غارقاً أو بالإحراق

يلقى حياته مربطه في كفونه
يلقى ان وضعه صار للموت مشتاق

يحتار منهو أو وش الي يكونه
يحتار حياً أو كتابة واورق

يصير فارغ يعتقد مايرونه
يصير حالة نفس من كثر ماذاق

أدري بأنك ياحياتي حنونه
أدري بأنك تعشقيني من أعماق

لكن انا الي ماأبي تعشقونه
لكن ترا بعد العشق دايم فراق