السلام عليكم
كيفكم
بما ان رمضان قرب الله يعوده علينا بالعافيه والصحة
وكل عام وانتم بخير مقدما
اخترعت طريقة محمرة سريعه وماتاخذ وقت
والمكونات سهله جدا
المقادير :
(بصل احمر , بصل ابيض , فلفل رومي الوان , بقدونس , طماطم محطونه , صوص بيتزا جاهز , كرات لحم جاهزة من اي ماركة انا استخدمت ماركة الكبير , سماق , بهارات على ماتحبون , خبز تورتيلا ,زبده , ماجي, زيت زيتون )
اول شي نشوح البصل مع الماجي والزبده وشوي زيت زيتون
نخلي البصل يذبل مره ونصب فوقه الطماط ونخليهم يتسبكون مع بعض
بعدها نحط شوية صوص بيتزا مع البهارات
ونخليها بعد تتسبك وبعدها نضيف الفلفل والبصل اذا حابين
نخلط البصل الباقي مع البقدونس ونحط السماق
في هالوقت نكون قالين اللحم ومسخنين التورتيلا شوي
نبدا ندهن الصوص في التورتيلا
ونحط اللحم والبصل
ونسكر التورتيلا وشوي نحطها في الفرن تتحمر عشر دقايق
وهذا الشكل النهائي
ملاحظه النوع هذا من كرات اللحم مبهر وجاهز ومالح يعني انتبهو تكثرون بهارات
ويعطيكم العافيه
