 |  | |  |
| السلام عليكم
انا فتاه بعمر 27 على خلق ودين
تقدم لي رجل عمره35سنه
يمدحون أخلاقققه الكل يثني على أخلاقه جداااا جداا بار بوالديه مصلي كرررريم واخواني وخيلاني وعماني قالو أحسن رجال شفنااه هوو.
لكن اش رايكم بعمره ! هل تشووفونه كبير
أنا أشوفه عااادي! بس كل محد يسأل عمره يقوولن ويه كبير ومدري ايه .
يشتغل بشركه وراتبه حلوو
والحريم يقوولن لأمي بكره الشركه تفصله ويقعد ع الحديده الشركات مالها آمان .
راتبه اكثر من ال10 ع ماسمعت
عنده بيت توه مشطبه وسياره جديده
والرجال يريد الملكه قبل رمضان ...
ويبغاني وشاريني ..
لكن خايفه من المستقبل
والله مقتنعه فيييه حسيت الرجل بهالعمر احسن شي .. يقول لاهلي سبب تأخر زواجه كان من شركة لشركه لين مااستقر بشركته هذه وبنيى بيت وجهزت أموره والان مستعد للزواج ...
صديقاتي هداهم الله يقوولن عاجز وشايب
لان اغلب مجتمعي واقاربي ازواجهم بينهم سنه او نفس العمر ... وهذا الشي بالنسبه لي مب حلو. فهم يشووفونه جد كبير لان اللي عندنا بعمره عيالهم اولى ابتدائي .
سبحآن الله . أنا مقتنعه
بس زي ماقلتلككم هل الشركات عادي مضمونه . | |
 | |  |
وعليكم السلام
اول مااشوفه كبير اتوقع سنه مناسب عادي
والعمر مو مشكله العقل والتفكير هو المشكله
الرجال طيب وبار بوالديه وظيفه زينه راتب زين
ويبيك وشاريك
وبعدين الناس اذا ماتكلموا يمتون لازم نقنقه وهرج ماله داعي
ولاتسمعين منهم اسمعي عقلك وقلبك وش يقولك وسويه
واستخيري مره ومرتين والله يكتب لك اللي فيه الخيره
واذا ع المستقبل ترى محد داري وش يصير له بكره
انتي تفائلي واجد شباب بشركات ومن شركه لشركه وعادي
ومتزوجين ومستقرين وش زينهم مع بعض
لاتخلين الافكار السلبيه تاثر عليك ولاكلام الناس
انتي سوي اللي تبينه واللي يريحك
ربي يوفقك اختي..