صار لي أيام أرق وما أنام من التفكير أنصدمت ومقهوره على أختي

أختي متزوجه من سنتين وهي أكبر مني بسنه عمرها سته وعشرين وزوجها تقريباً في أول الثلاثينات

قبل أيام أختي كانت زايرتنا وكانت ناسيه جوالها في بيتها وطلعت مع باقي أخواتي للسوق وقت العصر وطلبت مني أتصل
على زوجها وأبلغه بخروجها

أتصلت وأول ما قلت ألو
رد علي وش ذا الصوت يا ويلي شكلي ما راح أنام الليله

أنا علطول قفلت الخط وأنا مصدومه


فليل على الساعه 1 جاني أتصال منه ما رديت أرسل لي رساله يبي بس يسمع صوتي وبعدها بينسى رقمي
أرسلت له أنه صوته واضح أنه ثلاثيني ومتزوج
رد علي أنه عمره سبعه وعشرين ومو متزوج
أرسلت أنا ....... أخت زوجتك تبي شي

بعدها بعشر دقايق أرسل تكفين لا تعلمينها قلت له خلاص بس أعقل أكتشفت أنك تلعب من ورا أختي إعقل وألا ترا بعلمها


التهديد بس علشان يخاف وألا مستحيل أقول لأختي ما أبغى بيتها ينخرب وهي مره تحب زوجها لكن هل أنبهها وألا أسكت بس مره مره أنقهرت عليها