صباحكم خير .. صباحكم امل ..

الحياة مستمرة مدام الله اراد لنا ذلك ..
و احنا نراقب تطورنا و تقدم العمر ..

بنتي صارت سنه خامس و الابله الزمتهم انهم يتحجبون ..
و هي تتحلطم عندي و تقول انها صغيرة ..
قلت لها لا ي ماما انتي بنت كبيرة تفهمين و لازم تتحجبين الحين ..

و احنا رايحين للمدرسة جلست اتأملها و يمر في بالي عمرها كله ..
من يوم كانت في الروضه .. غدو درست من عمرها ٣ سنوات ..

ما اخفيكم اني بكيت و انا اتذكر .. الصور تتكرر في بالي ورا بعض و بالترتيب

سبحان الله الزمن يمشي و احنا و الله مو حاسين ..


الحين احاول اعاملها كأنها بنت كبيرة .. على انها في عيني طفله ..
الله يخليها لي و لا يحرمني منها