العفو يا صعده ولش مني سلام
يا غارقه بالدم والعالم نيام
محد سال عنش ولا وجه ملام
ولا عزم نحوش ولا قالوا حرام
ولا مسيره راجله تنجز مهام
ولا قبايل تنصرش بالاحتكام
ما انتي تعز حتى يعيروش اهتمام
كلا ولا صنعاء ولاساح اعتصام
ولا الجعاشن ذي لها قاموا قيام
وزلزلزوا الظالم وعرشه والمقام
اين الاشاوس اين صناع الكلام
اين الحقوقي اين عشاق السلام
الكل مشغولين باسباب الخصام
ونصرة الثوره واسقاط النظام
يا عاركم عاره ليش الانفصام
ليش التخاذل ليش هذا الانهزام
ماهيش نيروبي ولا دار السلام
ما هيش في المريخ تبعد الف عام
صعده يمانيه بسيفه والحسام
صعده على صدر اليمن اغلى وسام