(ودي) أقول حكـــــايـة النـاس والبيـر
وكيف إتعبوا .. لأجل إيتهنون بالمي


و(ودي) أشبهها بنفسي وأنـــــا آغيـر
وأفهمك .. كيف السحب تقتل الضـي

(ودي) .. وخايف يسمعن العصافير
وتقوم .. وتصحي معاها هــــل الحـي

نم يا (قمر)دنياي .. تصبح على خير
خــل النهار يحس بإنـه بقـى حــي

كل يوم أحبك غير .. والبارحة غيـر
بديت أحس إن الخلايـــق ولا شـي !

إفرح .. إذا طالت علينـا المشاويـر
يمكن يزيد الشوق في داخلي شـوي

مدام حبـك .. قسمتـي بالمقـــاديـر
بأصبر .. وكن حر القوايل معك فـي

والله .. أحس ان لي جناحين و(آطير)
لامن ذكرت .. إنك ذخرت الغلا .. لي

خلك وسط قلبي .. لو يصير مايصير
كل الخلايق في وجودك .. (ولا شي) ..