الحال يابو سلمان بالحيل منهد
والذاكرة فيها خيانات عمري

يومه يصافحني وخنجره باليد
ماكنت أصدق كيف أغرق بنهري

أسقيه بيدي من صافي الشهد
وأثره كما الداب بالخفا يسري

طعني بشلفاه و علي ارتد
شوف الأثر متوسط ظهري

آه يا إنه كان قاسي بهالرد
يوم الوداع مات باليد زهري

عاهدني يبقى وخان بالعهد
إنتظرته لين انطفى جمري

يالضاوي أبيك تتخيل المشهد
وشلون طاح من السما القمري

وشلون أسامح و أنثر له الورد
وهو السبب باللي علي يجري