مكة بكت من صيحة القدس بدموع
وطيبة كذلك مثلها دمعها ....... سال
وحنا عرب واسلام واجموع واجموع
ولا فينا شيخ ينتفض يصلح .. الحال
سبعين عام ونتبع الغرب .... وانسوع
نتبع ظلالة وظلمة ليلها .......... طال
سبعين عام وهمنا لقمة ........ الجوع
ماتت بها اجيال وعاشت بها .. اجيال
وحبل الوصل من بيننا صار . مقطوع
وصرنا دمى تلعبها اطفال ... واطفال
واللي يتكلم في فلسطين .... ممنوع
قالوا قضية وحلها بطولة ....... البال
خلك بحدك والثمن صار ..... مدفوع
بيدين من يصمت عن القدس يا خال
يفتح حسابه للذهب جاه ... مصنوع
وين انت ياللي وده يكنز من .. المال
عشرين دولة ما عرفنا لها ....... نوع
ويا قربها العشرين تهدم ...... بزلزال
زلزالها صهيون وتراب له ....... طوع
والهيكل اللي بزعمهم صار .... تمثال
وعينه على خيبر وطيبة .. الجربوع
وان جاك ظني دونها رجال . ورجال
القارظ العنزي