السلام عليكم ورحمه الله
السموحه منك اخي نجم على التاخير
والله توني فتحت
وشفت الرساله
قمت كتبت هذي البيتين
وعذرني اذا حصل مني قصور
ابشر بابيات الوصابي كتبها
جيت انظر الشكوى ولبيت للصيت
يانجم روحك حيل باين تعبها
لولا التعب ماقلت شعرك وغنيت
ادري بجوفك نار تشعل لهبها
من كثر غيبات المفارق وحنيت
ودري بأن الشوق زود حطبها
من فوق هذا زاد زود لها الزيت
يابنت يلي نجم عانا سببها
عودي ترى قلبه بعد فرقتك ميت
ترى الحياه منشان شوفك وهبها
ويقول ياليتك تعودين ياليت
يانجم والله القلب لجلك طلبها
لني احس بما تحسه وحسييت
وسلامتك
تحياتي