ما ادري وش هي مشاكلش
ولكن عمر الهروب والانتحار ما كان حل
الإنتحار ما هو الا الضعف
وقبل الضعف وش بتستفيدين إذا أغضبتي الله
صحيح بتبعدين عن مشاكل أهلش بس ممكن أسالش
رح تتحمل عذاب جهنم نحن نار الدنيا ما نتحملها
ما بألك بجهنم ‘‘ وشيء ثاني كل الناس عندهم مشاكل ‘‘
ولو تبين أعلمش أنا ما هو ثلاث سنوات بس
ولا حتى خمس تعرفين أنا من يوم جيت ع هالدنيا
وانا اشوف واسمع اللي ما يتحمله شاب
ما بالك طفله عمرها 6 و7سنوات
حتى إني كبرت قبل عمري بكثير
ودايم تفكيري غير الأطفال اللي بسني
ولحد الحين والحمد لله عمري ما فكرت بهالشيء بالعكس
احمد الله على هالشيء لان صارت شخصيتي قوية
واتحمل المسؤولية وما صار اي شيء ياثر فيني
وبعد لإني مؤمنه إن ربي كاتب لنا هالشيء
وأكيد ربي ما يختار لنا هالشي ألا لحكمة يعلمها
ما علمتك بالشيء آللي عشان أكد لش ما في بيت
ما فيه مشاكل والدنيا ما هي سهلة وأنا اختش
اهم شي الصبر ثم الصبر ثم الصبر
عشان كذا لا تكون نفسش ضعيفه ويلعب الشيطان بعقلش
وصدقيني ان كنتي تبين الراحة تقربي من الله
وداومي ع الذكر والاستغفار وكل ما ضقتي
اسمعي القرآن وشي ثاني اخيتي تأكدي
إن رضاهم من رضا ربي (وبالوالدين إحسانا)
واخر شي لو تفكرين تهربين صدقيني الدنيا ما لها أمان
وانتي بنت والهروب خطير عليك بسألش إن هربتي
وش اللي يضمن لش ما تطيحين بيد اللي ما يخافون ربهم
صوني نفسش ياخيتي و تعوذي من الشيطان
واصبري في بيت اهلش أفضل لش
صدقيني لما قريت استنكرت هالشيء
حتى قلت معقولة من جدها ولا تمزح
ويمكن ما قلتي هالشيء ألا لشيء كبير
بس مهما كان مو نحن اللي نضعف ومعانا ربنا
ما تخلي أي شيء يكسرش خلش قوية
الله يطمئن قلبك ويريح بالش
ويفرج همس يأرب استودعتش ربي