بين العطا تقوى الهجر عشت ويحول
اقسى من الحرمان صارت سنيني
كنت احسب ان الحلم ياحلم معقول
كاس الهنا تو اقضبنه يديني
على النوى واسهر مع الليل ويطول
عين السهر يامخاوي الليل عيني
بيني وبين مخاوي الليل مدلول
اكتب وتقرأ ماكتبته يديني
ماجبتها من باب ناسخ ومنقول
من هاجس في كل ليلة يجيني
مرات اغنيها على طرق مجهول
ومر اغنيها بلحن الهجيني
مساك الله بالخير اخوي
طبعاً أنا ما أقصد التدخل في ابياتك ولكن من باب المشاركة إذا سمحت لي
ودي تراجع الشطر اللي باللون الاحمر لانه كسر قوة وروح بنية كلماتك الجميلة في المعنى
لانه مايعوض بالمضاف والمضاف إليه بضمير منادة
واعتذر لو صار تدخل مني