:
صـباح الـقهوة اللي لا ذكرت أسمه على كيفي
وفـنـجـالي أصــبّـه يـرشـفه الـلـي عـلـى بـالـي

إلا يـاقـهوتي تـدريـن أن الـكـيف مــش كـافـي
ولا يـكـمـل مـعـيـا كـيـف إذا مـنّـتي بـفـنجالي

لــذيـذة طـعـمها والله إذا مــن كـفـك الـوافـي
بــيـالـه بــلّـهـا ريــقـك حــلاهـا مــرهـا حــالـي

نـظـيفة قـهـوتك والـبن شـقراها مـعي صـافي
إلا يـا ريـحة أنـفاسك مـن الـكاسه بـتحلى لي

وبـنـك تـحمسه طـازج عـلى لاشـفاه بـالخافي
إلا يـامـطوله صـبـري عـلـى الـفنجال و دلالـي

ومــا أحـلـى إذا فـاحـت دلالـك مـد لـي قـافي
وأكـتـب لــك قـصيدة نـزفها مـا مـثله أمـثالي

مــع نـبـضي وأنـفاسي أنـا لـك طـبّك الـشافي
أدنـدن لـك مـع الـنسمة ،، وتـسمع أنـت موالي

إذا نـسنس شمالي كانت أحضانك هي الدافي
مــع فـصل الـشتاء الـبارد تـدفيني وأنـا سـالي

إلا يـامن يـطفي الـنار وشوق الوعد واسعافي
عـلى ذكـراك بـاقي يـالغلا مـا رحـت مـن بـالي

اشوفك طيف بحلامي وانا ذي كنت لك وافي
انـا حـبيت مـن اعماقي وكنت البلسم الشافي

ومــا دامــك بـتـجفى كـفا يـا حـيف يـالجافي
سـلام الله عـلى الذكرى ويعين الله في حالي

جديد / بقلمي..
2018/1/27م
: