=

غلطتي مرة رجيتك في الزمان ... وغلطتك يوم اعتبرت انه خضوع
:
جيت لك مرسول من نفح الحنان ... مع نسيم الود وأنسام الطلوع
:
جيت لك بأشواق تملأ هالمكان ... جيتك بقلبي وعن غيرك قنوع
:
جيت لك وأخذت من نفسي أمان ... لو طريقي طال ما أعلن بالرجوع
:
بين تيار الأمل والعنفوان ......... ابتدت من بينهم قصة دموع
:
كان طاحت دمعتي ذاك الأوان ... ماخضع راسي ولو جرحي يلوع
:
لا وربي ما خضعت ولا يهان ... قلب ينبض بالوفاء تحت الضلوع
:
مابقي للقلب في ودك ضمان ... ليل صدك ينتهك حق الشموع
:
اغلط وقول الهجر هز الكيان ... بس لا تغلط وتعتبره خضوع

======
تحيتي
إحساس شاعر