وعليكم السلام
شوفي ياخيتي هذا زواج وقرارمصيري وصعب
ولازم اجاوبك على ثلاث خطوات
اذا كانت رح توافق عليه بس لانها تتقدم بالعمر ووصلت 28 تراها رح تعاني
لانها مابتاخذه عن قناعه
وبتاخذه وتخاف يفوتها الزواج
ثاني شي اذا بتاخذه وعندها قدرة تتحمل
تكون ثانية وتتشارك حياتها بكل مافيها
مع امرأه ثانيه لازم هي تستعد لهذا الشي وماتغار ولا تسوي مشاكلوتسود حياة الرجال
وتطين عيشته وتطيح حظه
وثالث شي اذا كانت يهمها المادة والفلوس وبتاخذه علشان يصرف عليها ويعيشها ملكة
لازم تحط في بالها ان الفلوس ممكن تروح وتخلص مو تتخلى عن زوجها وقت الفقر
والحاجة ولازم تراعي فارق السن والعمر
من الناحية الزوجية وتفكر زين ترا كثار يعانون
مشاكل من هذي الناحيه مع تقدم السنين و يمنعهم الخجل من الكلام و يحدث انفصال
و القرار يرجع لاختك ولازم هي تنتبه
على هذي النقاط المهمة
واخيرا انا عندك اقرب مثال وصلت عمر33
والحمد لله ثابته على قناعاتي احسن مما اتعذب بحياة مش مقتنعه بيها.
العمر مو مهم سواء تزوجت البنت او لا
المهم ان تحسن الاختيار حتى ماتندم بعدين
لان كثار تزوجن في عمر صغير و خلفو ابناء
واخر شي تطلقن وعاشن حياة جحيم
بالمجتمع وكلامهم
الله يسهل عليها ويكتب لها الخير يارب ويسهل لها ولجميع بنات المسلمين ويرزقنا واياهم الرجال الصالحين الذين يخافون الله
في السر والعلانية
بالتوفيق خيتي