-












مممممم حالتك نفس حالتي بالضبط .
بس بتعرفي شو ؟ رح تستغربي من ردي .
بتمنى تقرأي ردي كامل . .


قبل ما تسافر ماما . كنا نحن كل أخواتي معتمددين عليها
و ناخد احلى مصروف مصروف محدا بيحلم فيه . و ملابس
و سيارة و بترول و سالك و رصيد و هدايا و و و الخ .
و بيت بأرقى منطقة . و جيم و جامعة و أصدقاء و حرية شخصية بالبيت

قبل ابوي كان جدا كريم قبل لا يتزوج الثانية

كل هاد تخيلي ؟ كل هاد . بس بتعرفي اول ما سافرت امي لبعيد .
كل شي تغير . طبعا قبل لا تسافر بتعرفي ما كنت اعرف لا اطبخ
و كنت مبذرة بشكل لا يصدق . و مابعرف اغسل ملابسي ولا اكويهم
و مابعرف نظف البيت ولا شي و كنت بالمختصر لا مٌبالية ودلوعة بشكل غبي . .

ف لما امي سافرت . اول شي انا عصبت و جد جد حكيت بقلبي مو فارقة عندي
هية اختارت انها تسافر الله معها . طبعا كانت ردة فعلي من العصبية .
كيف ام تترك بناتها و خاصتا بهل العمر !!!!

طبعا هي سافرت بسبب مشاكل هي و ابوي لأنه تزوج الثانية بشكل جدا بشع
فهمنا انو الله حلل ال 4 بس مو من تحت لتحت و كذب و لف و دوران !

المهم ما علينا . من لما امي سافرت و ابوي كان جدا متضايق لأنها كانت هي شايلة البيت كله
ف هو مستعد يسوي اي شي عشانها .

ف فرضت عليه انه يسكنا بدبي عشان المشاكل بيننا و بينه الي تصير كل يوم .
و تخيلي سكنا بأرقى بيت بأرقى منطقة بدبي و اي حدا من رفقاتي شافه بقول ابوي شو يشتغل !

و ع فكرة ابوي نفس ابوكي . بس ابوي مو طماع و ابوكي نفس الشي مو طماع .

بس انا بيوم من الايام حبيت اني اتقرب من ابوي لأني من زمان ما حكينا مع بعض
طبعا بحكم انو نحن ساكنين لحالنا ف كنا نروح نزورة كل اسبوع . المهم
و هو كان يحبني الاكتر من بين اخواتي . ف رحت لعندو و حكيتلو بوجهه و ما استحيت
حكيتلو بابا انت ليش بخيل ؟ ابوي استغرب و وجه مليان صدمة و ماعرف شو يرد
فكر اني انا من ايمت و انا مفكرة انو هو هيك ! بس حكالي جواب بعمري ما بنساه . .

عطاني امثلة بحياتو صارت فعلاَ ! ناس من كثر التبذير و الصرف الي ماله طعمة صارت بالشوارع
ساكنة . و ممكن تتسفر لانهم ماعندهم مصروف !

قالي انا يا بنتي مو بخيل بالعكس انا بعطيكن كل شي . احلا تياب و سيارات و جامعة محدا بيحلم
حدا يدخلكم فيها و للعلامة رفيقتي لما سالتها انتي ليش ما بتجي جامعتي احسن مع اني انا شايفة
جامعتي زبالة بس قالتلي جامعتك كتير غالية . ف جد لما تطلعي لبرا الدائرة الي انتي فيها رح تشوفي
انو في ناس اسوأ منك .

المهم . قالي يا بنتي انا بخبي الفلس لليوم الأسود . و بما انو نحن وافدين و مو مواطنين ف هل الاجراء طبيعي
ك أب خايف ع بناته . و لما جلست معاه و قعد يحسبلي المصاريف بالبيتين و الله العظيم و الله العظيم
اني كنت رح دمع ! لاني ظلمتو و انا مفكرتو بخيل ! على حساب شو ! على حساب انو رفقاتي اغنياء بيطلعوا و بيصروفوا ! قسما بالله انو بعد ما طلعت من عندو سويت دليت لكل رفقاتي ! كلهم ع زبالة ازا هيك ! لانو الرفيق الصح ما بيجي يتفشخر قدامك و هو عارف كيف ظروفك ! و عارف انك ع قد حالك و هو عن قصد بروح اغلى المطاعم و الاماكن الخ ! هل الرفقات ما بيلزموكي !

ف الي بدي تعرفيه من قصتي . انو مافي اب بخيل على بناته . تخيلي انو من بعد ما سافرت ماما كتير خواص راحت من عنا . المصروف نزل للنص و اذا جبت مخالفة بيخصمها من مصروفي ! ميكب ما ميكب كلو من مصروفي تياب كل 4 شهور مرة . الرصيد و السالك و البترول منا ! شفتي كيف تغير من لما سافرت امي !

و بحكم انو نحن ساكنين لحالنا . ف تعلمت الطبخ و بتعرفي شو ؟ غصبن عني . و تعلمت اغسل و رتب و نظف البيت و تعلمت كيف كون ست بيت بالمختصر !

و الله العظيم ما بكذب عليكي . اول ايام من لما سافرت ماما و ابوي تغير و حسيت حياتي كالجحيم !
نفسك بالضبط . و اجتني افكار انتحار ! لهل الدرجة ! بس بعد ما تعودت و صرت شوف الحياة و الي عم بصير من منظور اخر . فهمت و تعلمت !! مافي شي بصير عن عبث ! كل شي الو سبب !!

أنا بشكر امي انها سافرت ! صح كان فراقها صعب و بشتاقلها كل يوم وان شاء الله اللقاء قريب . بس بنفس الوقت بسببها خلتني اتغير . اتغير للأحسن و علمتني كيف كون بنت قد حالها و تعتمد ع حالها ! لانو الدنيا مو دائما نفس ما انتي بدك و ع هواكي ! ف لو ما سافرت ماكنت صرت هيك !

و بشكر ابوي صح انو نحن بعاد عنو بس والله العظيم له محبة خاص فيه بقلبي ! صار عمرو 60 سنة و مجبور يصرف
علينا و يحاول يدلعنا و يعطينا كل شي بدنا ياه ! و بنفس الوقت عم بحاول يخلي علينا الحياة صعبة مشان نتعلم ! انا ما تعلمت هل الدرس الا متأخر كتييييييييييير هاد الدرس شبيهة بالصفعة . الي خلتني اصحى !

و بالنسبة انو رفقاتك بيشتروا و بيتسوقوا و مابعرف شو . بتعرف انو قبل ما كنت اعرف الا ماركات
و بعد ما ابوي نزل المصروف صرت شوف اشياء ارخص و ماركات ارخص . ( ليييييييييييييييييييييشششش )
لانو انا بدي شوف ماركات رخيصة ! فاهمة علي . انا الي بدي شوف ! يعني مو المصروف الي بحدد من وين اشتري . انتي الي بتحددي . في ماركات رخيصة و في غالية . و انا انصدمت لما عرفت هل الشي !

و انتي حكيتي بدل واحد و شوز واحد كل السنة بالمدرسة . طيب و انا كمان ! مع انو بابا ع ايام لما كنت صغيرة
كان غني و شباب ! بس بتعرفي انا ما حسيت بالفرق ! يكون عندي شوز او مليون شوز ! مابعرف يعني شو هل هبل الي بتحكي عنو ! ههههه

و دائما لما تقارني عيشتك بعيشة اي حدا ما بيرتاح هي قاعدةة حطيها حلقة بأذنك !
لا تضلي تقارني حياتك بحياة زوجة ابوكي ! شي طبيعي يدلعها لأنو متزوجها جديد شو بتتوقعي مثلا !
يسكنها بالحضيض !!! و ع فكرة كل شي الو سبب و ماحدا بيتزوج بدون سبب . ف بدال ما تحكي هل الكلام
و هل التصرفات . حسني علاقتك مع ابوكي احسن من هالحكي الأهبل !

و لمعلوماتك . مشان تحسي بتحسن اكتر . و تشوفي انو في غيرك أسوأ .
تخيلي انو نحن الدلوعين الي الوحيدين من بين كل اهل ابوي , ابوي يعتبر اغنى واحد .
و نحن الوحيدين الي عنا كل شي بنتمناه . اقل ما يمكن انو تعليمنا وصل للجامعة .
تخيلي انو هل الاب حبسني انا واختي بالبيت مدة 3 اشهر ! بدون لا شوف رفقاتي
و بدون سيارة و لا مصروف ولا اي شي . و تخيلي يوميا كنا نتضارب ! اول شي كانت
مشادة كلامية بعدين تظورنا صار يضرب ! و بتعرفي بشو ! بكيبل الكهربا .
و يمكن انتي ما شفتيه بس ما بتمنى تشوفيه ابدا . كيبل عرييييض و سميك و ثقيييل
ضربة وحدة ممكن ما بعرف شو تموتي سبعين موتة ههههههههههههههه

تخيلي انو ضربني فيه ! ووقتها كان بخيل و كريه و عقلو عقل حجرة صغيرة !
بس والله العظيم من ورا هالحبسة مابعرف شو صار فيني !

صرت شوف العالم غير ! بتعرفي ليه ؟ لانو وقت حبستي ما شفت ولا رفيقة من رفقاتي
تخيلي يكون عندك مليون صديقة و اصدقاء كتييييييير و فجأة يصير معك ظروف وولا وحدة من رفقاتك
تسال عنك او تزورك او تخفف عنك ! شو بتحسي وقتها ! انك عايشة بزبالة ! صح ولا لا ؟

ف لما بابا فك الحبس و صرنا نظلع . صرت اكره كل شي . كل رفقاتي حسهم منافقين
الأماكن صرت اكرهها كل شي صرت اكرهو و السبب انو عيوني تفتحت !

شوفي الزبدة كل شي الو سبب لأنو صار ! مافي شي بصير بدون سبب !
و كل شي بصير معك رح يفيدك بشكل ما يمكن انتي ما تعرفي هلا بس رح تعرفي بعدين
ف لا تحكمي ع ابوكي هلا . لانو كل اب بمر بفترة بكون اسوأ اب بس صدقيني كل اب بيتمنى
يكون من احسن الاباء و لو صار عليكي شي ممكن يجن !

ابوي حكالي انتي ما رح تعرفي احساس الام لحتى تصيري ام . ف انتي ما بتعرفي ابوكي
و كيف تفكيره . انتي عمرك 21 و لسا ماعندك نظرة مستقبلية !

الي صار معك يعتبر ربع الي صار معي و شوفيني . لا اشتكيت و تقبلت بصدر رحب
و هلأ انا علاقتي مع ابوي متل العسل و مع امي كمان . مع انو ابوي بعدو منزل المصروف
و نص حقوقنا ع اساس ما عطانا ياها ! بس شوفي لساتو بفضل علي !!!!

ف بتمنى تتقربي من ابوكي . و انسي الاشياء المادية . بشكل عام انتي عمرك 21 صار لازم تعتمدي ع حالك
هو ما بضل يصرف عليكي كل عمرك ! و هيني انا عم بشتغل !

و اتركي رفقاتك الي بيتقصدو يروحوا ع اماكن غالية و يشتروا و يورجوكي و صديقيني مافي حدا مو حاس
الكل بحس بس بيعمل حالو غبي !

و تقربي من ابوي و قوي علاقتك معو . صدقيني كل شي بيتغير . ع الأقل احمدي ربك عندك بيت تسكني فيه
غيرك ماعندو . و احمدي ربك عندك اكل و شرب و عندك لابتوب . شوفي كم شي انا ذكرته عندك !

و انا مابعرفك شخصياَ ! بس انا بعرف في اشياء كمان كتيرة انتي لازم تذكريها ما تكوني جاحدة للنعمة .
و دائما فكري انو انتي بإمتحان و الله بدو يشوف انتي كيف رح تتصرفي !

هل يا ترى انك تحكي للعالم ابوي بخيل رح يحل المشكلة ؟ لا اكيد بالعكس ابوكي يعتبر هويتك
لازم ما تشوهي صورة ابوكي للعالم و انتقي عبارات افضل .

قبل كنت احكيها و ندمت ندم الدم . لبين ما كبرت و عرفت انو حتى لو ابوي غلطان انا لازم احترم رأيه
هو كبرني و صرف علي و علمني انا هلا دوري رد عليه الدين و انتي كمان !

و اقل ما يكمن الكلمات الي بتحكيها لأبوكي فكري فيها ! فما بالك باي الأشياء الي نكرتيها !

اذا ع كلامك هو بخيل هو مو مجبور يصرف عليكي بيت و مصروف و اكل و شرب الخ . .

و اخر شي بحكيه و بعتذر ع الاطالة بس انتي مريتي باللي مريت فيه بس بشكل خفيف
و حبيت انصحك مشان ما توقعي بنفس الحفرة الي وقعت فيها . .

اخر شي صح انا ما بعرفك . بس انتي اختي و عذبت حالي و كتبت هالرد الطويل
كل هاد مشانك ! شايفتك حزينة و متضايقة و الشي ما بيستاهل و الله ! الدنيا حلوة
بس تطلعي عليها من منظور اخر .

حبي ابوكي و اهتمي فيه بالرغم من انو مقصر ! صدقيني انتي بنعمة غيرك ماعنده اب !


حبي امك و ابوكي فهم كنزٌ لا يفنى !
الله يصلحك و يهديكي . .