أنا وي القلب يا وصابي تحديت
خانني قلبي وقام يركض وراها

يا حيف . . يا قلبي عني تخليت
باعت منهو . في المحبه شراها

مليت .. أنا .. من عيشتي مليت
حتى قصيدي ياخوك محدآ قراها

نكر . . اللي لاجله . . أنا سويت
بعض البضايع يخسر من شراها

قلبت .. علي .. المواجع وقفيت
يا وصابي . . ترى اتعبني غلاها

ليتك .. من زمان .. يمنا .. جيت
ما كان نفسي . . تعيش بشقاها

باسبابها الناس . . يقولون خفيت
خذت عقلي . . يا كافي .. كفاها

ليتني . . في حقها اليوم اخطيت
استاهل منها الهجر واستاهل جفاها