04-26-18, 08:35 AM
|
#652 |
| |
حنا واسامينا برحلة قصيرة
يا حظ من له سمعة تملي العين
والموت درب وكلنا في مسيره
يعني بنرجع له ولا ندوم حيين
نمشي ونركض والخطايا كثيرة
وبعدين صوب القبر ماشين ماشين
من حط هالدنيا بعينه صغيرة
أنا أشهد أنه عارف دربها زين
ومن ذاق ويلات المرض في سريره
ما يشبه اللي نام نوم السلاطين
ومن لف كل الكون ديرة بديرة
ما هو مثل مسكر الدين بالدين
ومن جرب الحاجة وروحه كسيرة
يفرق عن المرتاح وأبو الملايين
لا تحسد الأمير وإلا الأميرة
وأوصيك لا تضحك بناس ضعفين
ولا شفت وجه المبتلي لا تثيره
أفزع له بدعوة وحث المصلين
يدعي له اللي عارف وشمصيره
واللي بيشمت فيه هو المسكين
رحات هالدنيا ترى مستديرة
دكاترة يا خوك صاروا مجانين
نحمد الله واشكره واستخيره
وما دامنا في صحة وخير راضين
وإن ما حصلك ما تمناه خيرة
مردها لو ضاقت أعوام بتزين
للشاعر
مبارك الحجيلان ’’
مما راق لي
أناا
الجادل ’’’ |
|
|
|