السلام عليكم ورحمة الله وبركاته ..

بسم الله ماشاءالله

يسعد مسائكم - صباحكم بكل خير ..
بصراحه فكرت بأطباق كثيره لكن قلت ليه ما اسوي الطبق الي معتمدينه بالبيت واغلب ايام الاسبوع نسويه
والي هو ( رز بالزعفران ) وصفه جداً لذيذه ..
وانا راح اسويها واسوي معاها طبق ثاني مكمل لها يعني ينوكلون مع بعض ..


المهم مابي اطول عليكم ..
وبسم الله نبدأ ..

المكونات زي ما انتم شايفين بالصوره

*الطبق الاول* .. (الرز )



*الطبق الثاني* .. (الايدام )




- الطريقه جداً سهله بصورها لكم اسهل ..


نبدأ بالطبق الثاني( الايدام )نسويه قبل الاول ..

الصوره توضح كل شي بس بكتب لكم وش حطيت ..



- نضع زيت ونحمر الثوم فيه وبعدها نحط اربع ملاعق معجون طماطم ..

- نضع البهارات ( ملح- كمون-كزبره-فلفل اسود-كركم -بهار مشكل )

- وبعدها نضع ملعقه كاتشب او سكر ونضع الطماطم المخلوطه ونحركه شوي ونسكر عليه تقريباً 20 دقيقه من يبدأ يغلي .


وهاذا شكله بعد مايطبخ 20 دقيقه ونسكر عليه خلاص ..




_________________________


الطبق الرئيسي الاول (الارز):




1- نحمر الزيت ونضع البصل والثوم ونحركهم لما يتحمرون شوي ..

2- ونضع الهيل والقرنفل وورق الغار وليمون أسود والقرفه وكمون وكزبره وكركم وبهار مشكل..

3- نحط الدجاج ونحرك المكونات كلها مع بعض .. وبنفس الوقت نحط نص ملعقه صغيره زعفران بودره..

4- نحط المويه المغليه لما تغطي الدجاج .. بالشكل هاذا ..




5- ننتظره يطبخ لمده 45 دقيقه .. وبنفس الوقت ننقع الرز بماء دافئ ..

6- نطلع الدجاج ونحط الرز ..

7- نحط الدجاجه بصينيه الفرن ونحط فوقها تتبيله (معجون طماط ، صويا صوص ، اوريغانو ، صفار الزعفران ، كزبره مطحونه ) وندخلها الفرن لما تتحمر ..


وهاذا شكل التتبيله بعد ماخلطتها ..



8- نعمل الكشنه وهي عباره عن بصل مقطع شرائح نقليه لما يصير لونه بني ..



9- الخطوه الاخيره التقديم نحط الرز بصحن وفوقه الدجاج وفوقها الكشنه وممكن نزينه ببقدونس مفروم او اي شي تحبونه وليمون .

10- نضع الايدام بصحن اخر ويقدم مع الرز .

وهاذا شكله عند التقديم ..












وبس بالعافيه ..
ان شاءالله مانسيت خطوه او اي شي ثاني ..
ان شاءالله تعجبكم الطبخه .. ويارب افوز بعد هالتعب والمجهود ..
ولاتنسون التقييم وارائكم الي تسعد الخاطر ..