يقول الشاعر
نايف العبيد
،،
يوم شفته وسط هاك المعمعة
رفرف الخفاق وازدان القصيد
الشوارع لامشى لو هي سعة
أتضايق لأنه الشخص الفريد
،،
ويش أسوي يا حمد قلبي معه
أشهد إني عايشن بعده وحيد
وأشهد إني دون شوفه مسعفة
ضايعن كلي وحزني مستزيد
،،
لبى ضحكاته ولبى مفرعه
(( نرجسية )) من يراعي له فقيد
أذكر الله من عيون تسبعه
يحفظه من كل شيطان مريد
،،
القمر لا بان يشبه مطلعه
وإن تبسم قلت له هل من مزيد ؟؟؟
الوصوف النادرة متجمعة
في محيا الشادن الترف الشريد
،،
لو يبيني أجمع الطرح أجمعه
ولو يبيني ألقى في صفه بليد
والدواير لو يقول مربعة
قلت له لا فض فوك يا عميد
،،
ولو يقول إن القصايد منبعه
الفراهيدي يشكك في لبيد
ولو يقول إن الزوايا أربعة
للمثلت قلت له شي( ن ) أكيد
،،
وين
عبق
صدقتيني
في تغذية صفة الغرور
،،
وإلى فن جديد ،،