شافت عيوني بهالدنيا العجب
ناسٍ تحب الصمت وتحب العتب
وناس تقطعني بدون أية سبب
طبع البشر وقت المصالح يجونك
دوّر على أقرب طريقٍ و إتبعه
لا تنتظر الحين فلْ الأشرعة
من ودعك قله الوداع و ودعه
باجر تغربلهم الدنيا و يجونك
من مدّ لك يده مدّ له اليدين
جوّده ولا تتركه بالزمان الشين
حطه بقلبك و راقبه بالعين
خوفك طيحة بعدها ما يجونك
إتعب على بذرتك لين الحصاد
وإشعل على ماضيك جمر وَقّاد
إلبس بياضك وخل عنك السواد
قبل تجيهم خلهم يجونك
لا تنتظر و توقف في مكانك
ما ينفعك طيبك ولا حتى حنانك
وش تستفيد لا زادت أحزانك
ما دامهم وقت المصالح يجونك