بسم الله الرحمن الرحيم

اسعد الله صباحكم بكل خير

ساعرض عليكم موقف حصل معي شخصيا وبعدها ساترك لكم اوسع المجال للاظافه او التعليق

( دار حوار بيني وبين احد الزملاء بالعمل . وللاسف اقول للاسف انه من الملتزمين بالدين رزقه الله ببنت باركنا له وهنيناه بالمولوده . وكاي نقاش بعدها سالناه ماذا اسمتها قال لنا اسم من الاسماء الحديثه وحلو ماشاء الله . بكل حسن نيه انا قلت له ماشاء الله امك صاحبة ذوق باختيار الاسماء لانني توقعت ان امه من اختار الاسم .
قال انا والمدام مختارينه

قلت : حلو لكن اكيد سالت امك عن الاسم وشاورتها بلهجتنا .
صدمت بالاجابه بصراحه

قال : لا ما سالتها ولا شاورتها . مالها دخل امي !!!!!!!!!

قلت مالها دخل ببنتك ؟؟!!!
قال : اي مالها دخل وش دخلها ؟
قلت : امك هذي من اقل البر انك بالقلليل تسالها عن الاسم اللي احترتوا . ما نقول تسمي على امك لان فعلا يمكن اسماء بعض الامهات قديم شوي ما يصلح لوقتنا هذا . مع ان قناعتي انا انني افتخر باسم امي مهما كان قديما

اقول له . المفترض انك لو من باب المجامله سالت امك

اصر وقال لا امي ما لها دخل باسم ابنائي

حتى المجامله ما يبي يجامل امه ويطيب خاطرها !!!!

المشهد الثاني

بعض البنات ترفض الزوج ولو كان يحبها وعاجبها وهي تعترف ان كل بنت تتمناه
ليش لانها ( الشيخه بنت الاصول والحسب والنسب ) ما تحب امه !!!!

بمعنى اخر تبين واحد حتى لو ما تحبه ولا احد يتمناه اهم شي تقدر تعيش معاه بدون اهله وامه وخواته



انا ابترك لكم المجال
لان بكل صراحه مالقيت عندي شي لانها هالمواقف تستفزني
نصل الى الام والاب انا اهنق هم الاولى والاهم هم من نتخلى عن الكل لاجلهم

فاذا فرطنا بهم من اجل غيرهم فماذا تبقى من انسانيتنا وبرنا لهم


لكم المجال