07-01-18, 08:40 PM
|
#11 |
| | 
سلام .. وتمسية
اهلا اخت/ احاديث صامته
اقلك باختصار ايش تشخيص مشكلتك؟
تشخيصها في نقطتين :
اولا - انت، ما شاء الله، انسانة منعمة ومرفهة
ثانيا - ما عندك في حياتك مسؤوليات وواجبات تذكر
السطر القصير اللي اقتبسته من كلامك،
هو اللي عليه الكلام، والباقي - مع احترامي - مجرد حشو
تساليني ليش هالسطر؟
لان، الحمد لله وما شاء الله،
يدل على انك انسانة طبيعية .. ما فيك شئ
وانك تحبي اشياء في الحياة .. وتجدي فيها متعة
المشكلة وين صارت؟
صارت، لما - من رفاهية حياتك -
وكثر، وتكرار، معايشتك للاشياء اللي تحبيها .. وتستمعي فيها،
فقدت هالاشياء رونقها، .. وجاذبيتها، .. ومتعتها
.. فما عادت تترك فيك نفس الاحساس الشيق والجميل اللي كان تتركه فيك
بمعنى اخر يا "احاديث"، ..
استهلكتيها، .. عصريتها لاخر رمق، .. لاخر نقطة ^_^
في احد ما يحب "الايس كريم" ؟!
لكن خلينا ناكل كل يوم "ايس كريم" ..
بعد فترة حنمل منه، .. السكر و"الكريمة" اللي فيه حيفقدُ طعمهم
حتتبلد شعيرات التذوق في السنتنا للذتهم
ويتبلد معهم، الشعور المعنوى الممتع في اكل "الايس كريم"
طيب،
الحل باختصار،
تبغي شئ مثير وشيق في حياتك؟
يجب انك انت توجديه
، لا تتشكي وتتبكي .. وترمي اللائمة والمسؤولية على الاخرين
وتدخلي في تحليلات لشخصيتك وانك مختلفة، وهي في الواقع تبريريات
وانت في الاساس .. ما فيك شئ
انفضي عنك "رويتن" الكسل والخمول .. وكثرة النوم
اجلسي مع نفسك، وشوفي ايش اهتماماتك .. وميولك
اختاري شئ تقدري تمارسيه وتحققيه .. وركزي عليه
اذا حانتظر الاخرين يحققوا لي متعتي في الحياة وسعادتي
من غير ما اجتهد انا واسعى له،
ممكن يطول انتظاري، .. وممكن انتظر الى ما لا نهاية
بخلاف، على الارجح ما حاشعر بقيمة ومتعة الشئ
وان حصل، فهي وقتيه .. وبعد فترة تزول
تبغي السعادة .. والمتعة في حياتك،
لازم تجتهدي "انت" .. لتحقيق الاشياء اللي تحقق لك السعادة والمتعة
، بالتوفيق
|
|
|
|