ستة وعشرين بين ورود شموعي
يضمها الليلة الموعد مع انفاسك
يذبل مع الشوق نوع و ينتشي نوعي
مثل ابتسامتك والا اغضاي نعاسك
الورد والشمع ناسي واقرب ربوعي
وانته ربوعك جميع وكلهم ناسك
تعال فيها احتفل بالقلب و ضلوعي
ما قدمك الاخفوقٍ في يده كاسك
اقدم وغيرك بعيد هناك ممنوعي
عرشك هو القلب و الاضلاع حراسك
لا تشعل القلب ليله خلها اسبوعي
لين اهتني بالسهر من دافي احساسك
انقاد حرف المشاعر و انت موضوعي
يكتب حريرك و يقرأ لمعة الماسك
ياللي طويل الصبايا معك مربوعي
و الغصن يصبح خشب لا اهتز مياسك
ماهي قصة جمال ورقة طبوعي
حاليك ربي من اقدامك ليا راسك
لعل فيك الرجا ماهو بمقطوعي
اعيش جنبك وفي حبل الرجا ماسك
ذا الليل من فرحتي طاحت دموعي
تسبق علی الطاولة تصفيق جلاسك