أم تشتكي من الجميع

أم قابضه بلاك بيري مالها ، اربع وعشرين ساعه تهذرب : ألو ها ميري << إسم الخدامة ،
إنتي ميري ولا آن ميري ( يعني متزوجه ولا مهب متزوجه ) خخخخخخخخخخخخخ أتغشمر ، لا انا ما بقعد مع بابا هذا يآكل راسي ، ومخي ما يشبع من الكلام .
شو بتطبخين غداء اليوم ، شو ناشف ، لا محد يآكل ناشف في البيت ، ما أهتم حلو ولا مهب حلو ، عيالي ياكلون هذا مجبوس وصالونه وبرياني ودال بس شئ ثاني ما يآكلونه ،
ولا بعقه في زبالو هـــــــــآ .

بعد دقايق ، زقرت البشكارة من الدريشه : ميـــــــــــري ،
روحي ودي الغداء أول شيء حق شيبا << (تقصد أبو العيال ، بعده عضلاته ما تشيب ، )
بعديـــــــــن ودي حق بناتـــــــي .


بعد عشر دقايق : ميررررررررررري ، وين رحتي ؟ شو تسوين عدال باب الحوي ؟! محد يجي بيتنا ، ولا كلب ، ولا الأهل ، ولا حد ، الا راعي الماي ، وراعي الغاز ، وراعي الكافتيريا ، ويسحبون وراهم شياطين ،
وين النور يدخل هذا الفلة العود .!!!


بعد خمسة عشر دقيقه
: مــــــــــــــــي ري
تاريخ 19 بنتي االأولى العانسه بتكبر ،
بس نحن بنسوي حفله حق السادسه ،
وسعيده خذت ليسن من وقت ، وبتحصل سيارة في تاريخ 19
ماشاء الله ، ماشاء الله . تقولي يدو بوديج بس إمارات مول .

بعد دقيقتين

: ألوووووووو مممممم يري ، خلودي ولد خالوه واقف برع من متى ،
تحت الشمس ساعه ، روحي ودي له ماي ، وشوفي شو يبغي ؟!
إيه أعرف إنه قاعد في سيارته ،
هــــــــــا يتريا عيالي أحمد ، ومحمد ، إنزين
خلاص ، بعدين سكري باب مال حوي . << ( الأم تشوف أخبار في لاب توب ، وتشرب حليب مع سكركالعاده ) : مافي شئ يديد كالعادة دوووووووووم ضرابة ، وخوف ،
وين ميري ؟!
صار لي ساعه أتصل فيها ، وما ترد علي .