وعليكم السلام ورحمة الله وبركاته
،،
أنتي والنحافة والزوج
،،
ليش ما نغير المصطلح السلبي ونسميه
الرشاقة
،،
فيه شي جدا لفت نظري
جملتج
(( يراني غير مناسبة له )) طبعا ذي تحليلج ذي الجملة تعبيرج
ليش ثقتج مهزوزة بنفسج ،، ترى أنا اللي أشوفه أنج واييد مقللة من شأن ذاتج ،،
بالعكس حطي ببالج شي هو ما خذاج وصرتي أم ولده إلا لأنج نصيب له ودام الله وثق أقداركم أنتي تحكمين انج غير مناسبة!!!
،،
اللي أشوفه أن زوجج يشوفج مهزوزة ثقة أكثر من كونج نحيفة وزن،،
بيني له أن شكلج جدا عاجبج ولو في داخلج حاسة العكس أسعي مع ذاتج ،، بنفسج بدون ما تبينين له
أنهااا مأساة لأنها بالفعل مب مأساة،،
،،
وبعدين
لما قالج إنه بيتزوج الثانية (( واحتمال كبير فعلا يتغشمر )) ليش تصيحين
بالعكس قوليلة تدل الطريق والا أدليك ،، مب أنا اللي ينأخذ عليّ،،
ولما يجيب مخفوق الموز ويضع ارادته بالشرب الغصب ليش تشربينه
خذيها على غشمرة وقولي حبيبي عمري شربه انت ،، انت أبدى من عشان عضلاتك،،
،،
حياتي
تضعفين تنحفين تسمنين تمتنين لازم تكون عشانج أنتي في المقام الأول،،
وحلو وايد حلو تحبين زوجج تحرصين على رضاه لكن لازم يتعلم شي أنج جميلة بكل حالاتج،،
الضعف وقلة الثقة بالذات مخليته وااايد واايد يتمادى،،
،،
أنا
أؤمن اللي يحب يرى الآخر جميل بكل حالاته ،،
بطلي أكل قدامه ،،
سوي اللي يعجبج ،،
لااا وبعد حلووو متفرغ يسوي خلطات تسمين
،،
في ذمتج ذي على حسوف ،،
نتغشمر الله يخليه الرياضي بو سروال وفانيلة لج بس مو معناته ألغاء شخصيتج
والله لو زادت ثقتج بذاتج بيتسأل أيش غيرها ؟؟؟
شلون صارت تثق بعمرها هالكثر ؟؟؟
ويمكن
ينسى سالفة النحافة ،،
عقل المرأة وذكائها وينه
ربي يوفقج ،،
اتمنى لج كل السعادة
مررت من هنا
الجادل ،،،