قبل اطلع انا ناوي اخربها



عتيم تعرفت عليه قبل ١٢ سنه في منتدى قديم
حتى المنتدى ما عاده موجود وكان اسم عتيم وقتها كوكب الحرف
كان شاعر يجذبني وانا احب الشعر وكنت اتمنى اتعلم اكتب الشعر
المهم كنت وقتها مراهق واحب اه يالحب
وكذا بدون سابق انذار ارسلت له رساله على الخاص اطلب منه قصيدة غزل اهديها لحبيبتي
كانت في المنتدى نفسه ولا كنت اعبر احد
رد علي وقال ابشر وبعد ساعتين تقريبا ارسلي القصيده كانت القصيد تقول

واعذروني ناقصه بيت او بيتين ما اذكرها
يقول

يا عطري الدافي ..ويا باقة الورد
يا اجمل تفاصيلي ويا اعظم مهمه
..
ضميني من اقصاي يا معطف البرد
ما عاد بي من قارص الشوق همه
..
وما عاد لي في مرتع الشعر والسرد
إلا بقايا عاشق ..... الوقت خمه
..
كني يتيم الحظ يا رامي النرد
اعظم صديق يكفكف الدمع كمه
..
والمجتمع كله من الفرد للفرد
من عاش قصة حب صارت تذمه
..
لو فلترو قلبي تحت مجهر الجرد
ما شافو إلا صورتك فيه ( يمه )

..

وسلامتكم


طبعا القصيده كايفه والله مايفه عشت معها جو غير طبيعي

لكنه صدمني بآخر بيت
طالب منه قصيدة غزل اهديها لحبيبتي
ارسلي قصيده في الام بس حبيته وحبيتها
وملكني القصيده ولكن ابراءً للذمه اعلن ان القصيده لعتيم ماهي لي مع انها انتشرت بإسمي

نرجع لحديثنا
وبعدها جلست الح عليه يعطيني رقمه
وبعد جهد جهيد اعطاني رقمه
ودقيت عليه واكتشفت ان عتيم من مدينه غير المدينه اللي انا منها
وكونت معه صداقه
وتعلمت منه كتابة الشعر وحب السفر .. لانه مجنون من جد يعشق السفر بشكل غير طبيعه
فيه حاجه وحده ما تعلمتها منه التدخين
حتى اخوانه وعيال عمه تعرفت عليهم وصرت صديق لهم
طبعا ما التقي بعتيم إلا نادرا بين السنه والسنتين

..

مع السلامع حبايبي

وعتيم بكيفه يزعل يرضا ما يهم اهم شي طلعت شوي من اللي في قلبي لأن جمايله علي ما تنعد
على فكره لاحظته مبذر
سألت اخوانه هو كذا دايم .. قالوا انه كان من طفولته يقسم اي مبلغ يجيه بينه وبينهم وبين عيال عمه اصدقاه
يالله استأذن اللي ما اعجبه الكلام يسلم لي عليه
باي