في اشياء في حياتي على قد ما انا ابيها ، الا ان فيه شي يردني لا اسويها او اكمل فيها ،،

الحين جلست افكر ،، وش يصير لو انا رجعت ارتب حياتي من جديد و طلعتها من الحسبه ،،

هل ينقص مني شي ..! هل انا بفقد شي مهم ب حياتي لازم يصير فيها ..!

كل هالافكار دارت في مخي يوم فكرت بس في التخلي عن هذه الفكرة ..

ماذا لو حورت الفكرة لتناسب ظروفي ..!

كثير افكار تدور براسي و يبي لها كتابة لكن يوم اجي امسك القلم اكتب ،، احسها ما تستدعي اني اكتبها ،،

لذلك فضلت اني اجي هنا بالمدونه ،، و احكي لكم


قد صار لكم هذا الموقف ،، شي تبونه و ما تبونه في نفس الوقت ،،

شي ودكم تتخلون عنه و تبدون حياتكم من جديد بشكل مختلف ..



انا الآن افكر ابدأ حياتي بشكل مختلف بس مدري من وين ابدأ ،،

اغير في الاشياء المرتبطة فيني كلها ،،



يمكن ها التفكير طرا لي هاليومين ،، يوم تغيرت آلية شغلي ،، ما اعرف ..!







اول شيء عزمت عليه ،، اغير مدرسة غادة لمدرسة مختلفة تماماً عن اللي متعودة عليها ،،

طبعاً برغبتها اول شي قبل رغبتي ،،



الشيء الثاني اللي ودي استغنى عنه ،، و متردده فيه ،، هي فكرة استديو التصوير ،،

بس ما استغنى عن التصوير بشكل عام ،، نفسي اغير اسلوبي في التصوير و الاشياء اللي اصورها

ما اعرف كيف بس هذي يبي لها عصف ذهني ،،

<- جالسه تفكر بصوت عالي خخ



اجمل الافكار ترا هي تفكرها بصوت عالي ..




اليوم بدأ جميل و انتهى ب اخبار جميلة ،، اسعدتني جداً ،، و الله يتمم على خير

خبر قبول غادة بمدرسة عالمية ، كان نفسها فيها ،،


دايماً اقول و اردد لنفسي ،، ان غادة اكبر استثمار لي ف الحياة ،، احب اشوفها تكبر و تتطور و تتميز عن اللي حولها




و بس خلصت سوالفي بروح اكمل التصميم اللي راح تشوفونه قريب