بحط بيني وبين بعض العرب حد

قدرتهم ..ونفسوهم تبتليني

ماهمني هو خال . اوعم .اوجد

ولا هوب واحد من حدى والديني

جعله ذلوف اللي له سنين مارد

وجعله ماراح اللي قضى من سنيني

اقدر اللي في المواقيف ينعد

واقدر اللي في القفا محتميني

واقدر اللي لا نصيناه ماصد

وجهه بشوش وفزعته تحتويني

ياشين منهو للمعاريف يجحد

مايجحد المعروف غير اللعيني

ونفوسنا ما تتبع المال والمد

مانخضع إلا للإله المعيني .