بقولكم مشكلتي من البدايه عشان تفموني كويس ...
أنا اهلي انفصلوا من صغري وانا صغيره برابع ابتدائي، الغلط كان على امي وهي كانت سبب الانفصال
كنت اعاني من امي قبل انفصالها بانها كانت ماتهتم لنا ابدااا طبعا احنا 4 ( وانا اكبر وحده )
كانت امي قبل الانفصال داييم تضربني راييم تفشلني داييم مشغوله ب طلعاتها وصديقاتها وحياتها كنا انا واخواني تربية شغالات ..
برابع انفصلوا اهلي وابوي اخذنا عنده وكانت امورنا ماشيه كنت انا اربي اخواني رغم صغري بس ظروف الحياه اجبرتني ، بعدها بشهر ابوي دخل علينا مرته الجديده فجاه ،
طبعا الكل تضايق مننا لان ماعطانا اي راي ، جلست معنا وكانت امورنا ماشيه تمام اول سنه ،
فجججججأه بعد سنه حملت وتغيررت كثييييييييييييييييييييييييير ،، وليتها تغيرت لحالها ، غيرت ابوي معاها كثيير ،، مرت ابوي تغيرت صارت تدور البلاوي علي صارت تدور خطاي وزلتي صارت تدخل في نيتي كثيييييييييير وتقول لابوي ترا بنتك نيتها كذا وكذا ومو هنا المشكله ، المشكله ان ابوي كان يصدقها ولا كأني بنته والمفروض يفهمني .. كانت تفتش بملابسي الداخليه وكانت لما ارجع من المدرسه تدخلني بمريولي للمطبخ كانت تتعبني وتكرفني كانت تستغفلني وكاننت تشوه سمعتي دايم ودايم تفسير نيتي وتصرفاتي بشكل غيرر والله ما اكون فكرت بتفكيرها ابدااااا
وطبعا كل مره احاكي ابوي فيها كان يقولي احمدي ربك رضت فيكم وربتككم
ب هالوقت ماكانت امي تبينا ودايم داييم تصدنا تمر علينا شهور ماشفناها وادا شفناها ساعتين وتطردنا ،
حاكيت عماني وجدتي ب هاللموضوع وكانوا كثير يحاولون ابوي كان يهدد عماني ويتهاوش معهم دايييممم وكانوا عماني تعبوا مع ابوي فقالوا مالك الا ترضين ابوك صعب جداااا
المهم جدتي تنازلت وجت تسكن عندنا في بيتنا وبعدها ب فتره مرت ابوي تضايقت وقالت لابوي ان يبني لجدتي بيت لحالها بحيث ماتسكن معنا بنفس البيت
وابوي استجاب طبعا وسوا اللي هي تبي فجاه جدتي طلعت هي واغراضها وزعلت ع ابوي كثير
مرت ابوي كانت شخصيتها قوييه جدا وابوي يخاف منها بشكل مب طبيعي كانت ترمي عيالها عندي دايم وتطلع وتسافر وللحين ع هالحياه ماتفكر ب اختباراتي بحياتي ب ضغوطاتي
امي تزوحت بدون لاندري وعلمتنا متاخر وجابت عيال وانشغلت بحياتها عننا اكثر من قبل صرنا نطول كثيير مانشوفها ،
انا كبرت ودخلت الجامعه وطبعا هالسنه اخر سنه لي بالجامعه كبرت ع تحمل المسوليه والكسور والتجريح والاهاناتتتت وضعف الشخصيييه تعبت كثيييرررر
كانت كل سنه تزيد المسوليه مع كثرة عيالها وتزيد المشاكل وتزيد الضغوطات وكنت لما اخطي بشي او اقصر بشي يهددوني بالجامعه وصابره لان الملاذ لي والملجا هي الجامعه ،
ابوي عطا مرته فرصه تمد يدها علي وتهزأني وكنت لما ارد عليها معناته ان يومي اسوووددد وصلت ان يطردون اخوي عشانه دف بنتها ولا انا يحرموني بالغرفه من غير اكل ومن غير شي عشان بس اخطيت خطا بسيط تعبانه من جوااا كثيييييييييير ، بس احاول اكون قويه
وقبل كم يوم امي دقت علي طلبتني فلوس وحولت لها من غير لاقول لاهلي وابوي عرف وزعل ومرته كبر السالفه وابوي كلم خالي وخالي وامي بلكتني وبلكت اخواني وقالت منتو عيالي ومتبريه منكم
انا تعبتتتتت جدااا ، ملييتت ووانا شخصيتي مهزوزه وتعبانه وضعيفه
للاسف بعد ماكبرت حياتي صارت اصعب وصرت شخصيتي اضعف ..
الحين متضايقه كثير لان ابوي رافض الوظيفه وهذي اخر سنه لي ومدري وش بسوي
ادعوللللي تكفففففففففففففون ان ربي يعجل لي النصيب الطيب اللي يطلعني من هالبيت