[ الجزء الأول ]

مرت الايام والايام وكان خالد دااائما ينتهز الفرص عشان يدخل الإنترنت
وأول مايدخل الإنترنت علطووول يتوجه للمنتدى ويدخل قسم الألعاب
ويابخته إن كانت صمّووته موجوده وياقرادته لو كانت أوف لايــــــن

مَرّ أسبوع كل يوم يدخل فيه يشوف صَمت الرحيل موجوده في قسم الالعاب
ويحاول بأي طريقه انه يلفت انتباهها ويجذبها في الألعاب اللي يشارك فيهم

لمح اسمها مشاركه في لعبة " إهدي قلبك للي تحب عند الرقم تسعه "
قال فررررصتك ياولد توصل للرقم تسعه وتكتب اسمها وتهديها قلبك
دخل على الموضوع وشافها هي اللي واصله للرقم تسعه
وكاااتبه : أهدي قلبي للي بعدي !
قال بخااطره بس اكيد البنت حبتني
خلني ارد عليها واقوووول يسلموووو ياقلبي انتي
وتوّه كاتب يسلموووووووووو صموته
الا يشوف واحد اسمه سكنيمي سابقه بالرد

المهم انه مسح الرد قبل تشوفه صموووته
وتاخذ عنه فكره انه غبي في ال*****ات ولايعرف شي

دخل لعبة الاعترافات وكتب :
أعترف اني بديت احب
أعترف ان قلبي يعورني
أعترف ان بعض الناس موب حاسين فيني
أعترف اني اذا دخلت المنتدى وماشفتهم يضيق خلقي

انتظر خمس دقايق الا شاف رد لـ صموووته في نفس اللعبه
كاتبه : أعترف سلاااامة قلب خالد

عاد خالد ماصدق خبر
كان بيتهوّر ويكتب : أعترف اني احب صمت واموت فيها
بس قال في نفسه اثقل ياولد هذا موب اسلووووب
وكتب : الله يسلم قلبك ياصمت , وطلع من قسم الألعاب
وقال بخاطره انت وينك ووين الحب ياشيخ انسى البنت بس والله مافكرت فيك حتى

وتوّهـ بيقفل صفحة المنتدى الا وصلته رساله خاصه !