لا يهمك .. لو علاقاتي كثير،
حبّك اغلى من علاقاتي واهم
،
انت الاول في حياتي والاخير،
من على وقت : اسمك وقلب وسهم
،
رغم صغرك كان تفكيرك كبير،
ورغم طيشي كنت باخلاقي شهم
،
اتفقنا لو يصير اللي يصير،
حن بريئيين .. وزمنّا المتهم
،
وقلت لك قل للزمن وقّع وطير،
ان فهم ولاّ يا جعله ما فهم،،،
انت عمري وانت قلبي وانت غير
انت واقع حيّ والباقي وهم
،
انت تشبه ضحكة الطفل الصغير
وتشبه احساس المحب اليا استهم
،
واغنيه فـ البوم ابونوره الاخير
الكلام لـ قوس واللحن لـ سهم
،
انت تشبهني وانا احبك كثير
والمهم انك من العالم .. أهم
،
من يحبك يا جعل قلبه بخير
وجعل قلبٍ ما يحبك للوهم
،،
،،