01-01-19, 09:36 PM
|
#20 |
| . SHEEM | | | | | | | | | | | | | | | | | | | | | | | | | | | | | | | | | 
الجزء التاسع (الفصل الاول )
عند حمد وهو يفكر في حبه الى غلا الي ماتدري عن هوى داره كان يفكر انه يصارحها بس متردد يضرب رقمها وقبل لا يرن يقطعه قرر انه يطلع من البيت يروح عند البحر يشم اشوية هوى وفي طريقه الى البحر لقى بنت واقفة على الشارع استغرب ويقول في نفسه احين الساعة وحده الليل شنو الي يخليها واقفة في الشارع هالحزة فقرر انه يوقف لها ويشوف شنو سالفتها
حمد : خير اختي في شي
مروه : انتضر سيارة اجره تمر من هنا
حمد : بس مستحيل تمر سيارة اجره في هالوقت
مروه : عارفة بس قلت يمكن
حمد : انتي وين تبين تروحي
مروه : بيت خالتي
حمد : اركبي راح اوصلك
ترددت مروه انها تركب بس هدا الحل الوحيد فركبت في المقعد الخلفي
حمد : ممكن توصفي لي البيت
جلست مروه توصف له البيت وهو وصلها وقبل لا تنزل قال لها : لوسمحتي
مروه : هذا رقمي اي شي تحتاجينهم كلميني
اخدت مروه الرقم من دون ما تتكلم ونزلت
بعد مانزلت مروه حمد استغرب من الحركة الي هو سواها واشلون قدر يسويها احين البنت شنو بتقول عنه
انروح الى غلا ومحمود الي كانو جالسين يسولفون
غلا : عمي متى بجون بيتنا
محمود : بكرا انشاء الله
غلا : احلف
محمود : والله اشفيج
غلا : لا بس مو مصدقة اخيراا بيرجعون
محمود : اي
غلا : محمود
محمود : نعم
غلا : ممكن اطلب منك طلب
محمود : تفضلي
غلا : ما ابي امي وابوي يعرفون عن الي صار شي
محمود : اوكي مع انه لو عرفو ماراح يصير شي
غلا : بس الافضل انهم مايعرفون
محمود : اوكي الي يريحج
وتمو يسولفون الى ادان الفجر وبعدها صلو وكل واحد راح غرفته يرتاح عشان وراهم روحة المطار من الظهر
عند ريم واحمد كان مثل الشي سهرانين الى ادان الصبح وبعدها نامو وكانت ريم متضايقة من تصرفات اخوها الان مهما يكون غلا رفيجتها بعد
عند غلا ومحمود في المطار ينتظرون وصول ابو وليد وعايلته كانت غلا متوترة الانها ماعرفت شي عن حالة اهلها الصحية هي كانت منشغلة بموضوعالشركة فقالت بتسال عمها
غلا : محمود
محمود : نعم
غلا : اشلون حالة امي وابوي الصحية
محمود : لا تخافين رجعو مثل قبل واحسن
وقفت غلا من الصدمة مومصدقة انها اهلها بيرجعون مثل قبل وقالت الى عمها : اشلون
محمود : بعد اشلون حالهم حال الناس اتعالجو ورجعو مثل قبل
غلا : احلف
محمود : غلا فضحتينا ترى احنا في المطار اجلسي
غلا : ما اقدر ابي اشوفهم
محمود : بتشوفينهم هم جاين ماباقي الا 10 دقائق على وصولهم
وبعد العشر دقايق الي مرة على غلا كانها عشر ساعات شافت غلا اخوانها نواف ومحمد متجهين لها وهي بدورها راحت لهم ركض وحضنتهم |
|
|
|