01-01-19, 09:37 PM
|
#22 |
| . SHEEM | | | | | | | | | | | | | | | | | | | | | | | | | | | | | | | | | 
الجزء العاشر (البارت الاول )
قبل لا ابدأ البارت راح اعرفكم على شخصية جديدو دخلت القصة في البارت الي طاف والي اهي مروة
مروة : بنت حلوه وحبوبة وطيبة حياتها غامضة ومليئة بالاسرار
كانت مروة جالسة في غرفة هديل بنت خالتها وتتكلم معها
هديل : مروه حبيبتي مايصير جدي مايصير تسكتين اكثر من كدا
مروة : شنو تبيني اسوي
هديل : سوي اي شي لا تسكتين خبري محمد
مروه : لا اخاف اخبره وتصير مشاكل اكثر
هديل : مروه انتي بتضيعين نفسج مرت ابوج ماراح تخليج الالما تزوجج اخوها وانتي عارفة اخوها
مروه : بس انه مستحيل اوافق
هديل : وهي راح تنطر موافقتج اصلا ماراح تسالج موافقة او لا وانتي تعرفين مافي احد يوقفها عند حدها
مروه : شنو اسوي
هديل : قلت لج مافي الا انج تخبرين محمد
مروه : بفكر
غلا كانت جالسة في غرفتها سمعت صوت طق الباب
غلا : منو
الخدامة : انا
غلا : دخلي
الخدامة : ريم فيه يوصل
غلا : اوكي انتي روحي
قامت غلا تبدل وتتعدل عشان تنزل الان احين راح يجون ناس يزورونهم ويتحمدون لهم بسلامة امها وابوها
انتهت غلا ونزلت وكانت ريم جالسة مع امها قامت ريم تسلم على غلا
غلا : هلا ريم نورتي بيتنا
ريم : منور باهله
غلا : اخبارج
ريم : تمام اسال عنج
غلا : ادري اني مقصرة بس تعرفين الظروف
ريم : افا عليج ما ابي اسمع منج هالكلام
ام وليد : انا استأذن
ريم : وين خالتي خلج معانا
ام وليد : اخليكم على راحتكم احسن عن اذنكم
وخلتهم وطلعت
ريم : غلا تدرين الاحد دوام الجامعة
غلا : شنووووووو
ريم : اشفيج
غلا : انتي من صجج
ريم : اي
غلا : يعني الدوام بعد اربع ايام بس
ريم : اي ليش انتي مو جاهزة
غلا : لا ابي اروح السوق اشتري لي اغراض
ريم : اوكي خلينا انروح بكرا
غلا : مادري بس انه ماجهزت ولا شي ولا اشتريت شي
ريم : حتى انه
غلا : عجل بكرا انروح نشتري
ريم : اوكي
ريم : غلا ابي اكلمج بموضوع بس مادري اشلون ابداء
غلا : ريم تكلمي عادي شنو صاير
ريم : بصراحه
وقاطعها صوت رن الجرس
غلا : بشوف من جاي
راحت غلا تشوف من جاي وكانوالي جاين هم خالاتها مريم و منيره
مريم : هلا وغلا وحشتينا
غلا : هلا خالتي شلونج
مريم : الحمدالله انتي شخبارج
غلا : الحمد الله هلا خالتي منيره شلونج واشلون عيالج
منيره : الحمد الله نسال عنك
غلا : سالت عنكم العافية
مريم : بنطول اهني
غلا : اوه سوري تفضلو داخل
منيره : زين دكرتي
غلا : تفضلو
دخلتهم الصالة الي كانت جالسة فيها ريم
مريم ومنيره : السلام عليكم
ريم : وعليكم السلام
غلا : ريم هدول خالاتي مريم ومنيره
ريم : هلا فيكم
غلا : خالاتي هدي ريم صديقتي
مريم : هلا ريم شلونج
ريم : الحمدالله بخير انتو شلونكم
منيره : الحمدالله
راحت غلا تنادي امها وجلسو سوالف وضحك وريم بسرعة اندمجت معهم
|
|
|
|