عضو بعد الإفطار .. اسم برنامجنا الرمضاني ,, يعني المفروض توك فاطر ولله الحمد ... وش أكلت ؟
راح اعتبر نفسي اجبت البارحة بعد الفطار .. طبعا أول شيء دعيت دعاء الافطار بسرعة 280 كيلو بالساعة وبيدي حبة رطب تصلح لكم <<<< بس كلتها عليكم بالهنا والشفا .. على طول تناولت فنجان القهوة العربية <<< يا زينها زيناه .. وبعدين يا غاليين هجمت هجوم شرس على صحن الشوربة ياربي كأنه عدو لدود مزقته إربا إربا <<< مثل ما يقول امتلت الحواصل وارتخت المفاصل .. فزيت بسرعة للمسجد صليت المغرب .. وعليها للسحور..
لو تفقعون ما علمتكم وايش هو السحور ..ههههههاي العبوا غيرها ..

2) أحلى فطور أكلته / اكلتيه وعند منو ؟؟
أحلى شي اني صارق بنات أختي عندي يعملون لي فطور وسحور , ولا أحد معانا اللي يعملوه يا زينه وحلاته حتى لو حرقوه واخربوه ..
3) ماهي هواياتك الرمضانية ؟ ومع من تقضيها ؟؟
اولا انا امارس هوايات كثيرة من اهمها : تلاوة القرآن الكريم - مداعبة النت والمنتديات - بالاضافة الى الدوام اليومي ..
4) الأكله اللي تنتظر / يها رمضان عشان تذوقهاا ؟

ودي اذبح بعير صغنون وافطر عليه انا وبنات أختي بس لا احد يفكر يقفز عندنا <<< ترى الساطور جاهز والسيف معلق بالدريشه


5) ذكريات الطفولة في رمضان ؟ بين المدرسه والحي.. اذكر / ي أي موقف؟
الواقع ان المدرسة كانت بعيدة عن البيت شوي وكان الجو حار مرة ومروح ع البيت ماشي مامعي اجرة السيارة .. وخويكم مطنقر طفران ولا هللة ..
يوم وصلت البيت طالعت الوالدة فيني وجهي احمر كانه حبة قوطة وثيابي تقطر عرق اشفقت عليَّ الوالدة الله يرحمها ويسكنها فسيح جناته وانا ذيك الايام صغنون 9-10 سنوات حاولت فيني انام .. رفضت وبقيت جالس معها الين اذن المغرب وافطرت وهي مسكينة تطالع لي وتلاعبني وانا ما ادري وايش السالفة ..



6) اجمل احساس يأتيك برمضان ؟
انا من الذين يحافظون على الصيام من صغري والحمد لله لذلك استمتع بالصوم حتى يومي الخميس والاثنين والأيام الثلاثة البيض .. البيض مو تقرونها بيض الدجاج .. ههههه .. لذلك انا سعيد جدا بشهر الصيام



7) شيئ افتقدته / افتقديه في رمضان هذه السنة؟
ما فقدت شيء لأن اغلب السنين اصومها وحيداً ( alon ) بس يوم اتذكر الوالدة الله يغفر لها " شوفو كم حنا يا الرجاجيل نحبكم يا الحريم - ندعو لكم يوم تموتون بس وانتم احياء نلعب في حسبتكم" وهي تعمل لنا الفطور والسحور .. احزن حزن عميق جدا واترحم عليها



8) كم مرة افطرت /افطرتي وانت / انتي ناسي / هـ انك صايم / هـ..؟؟
اللي اذكره مرة واحدة ذهبت الى لجنة تصحيح اختبارات الشهادة العامة ودخلت عليهم وانا ظامي مرة ولقيت عندهم قوارير ماء وتناولت قارورة وشربت منها ماء حار لآنها كانت من البارحة



9) هل قمت / ي بعمل طبق في رمضان؟
السنة ذي لألألأ لأني سرقت بنات اختي بالمشعاب أما سابقا حدث ولا حرج واحسن شيء عندي الشوربة ..



10) " فيمتو للقاء حلاوته" ... ما مدى صحة هذه المقولة/الإعلان من وجهة نظرك / ي؟
ان كان المقصود الفيمتو اللي بالقوارير حق العصير فلا أحبذه كثير الا عند الحاجة الملحة لأنني أفضل شراب التوت والكمونية السودانية والعسل العدني والرز واللحمة او الدجاج والسلطة خرابيط حط تي على تاك بيطلع متكتك هههههههه المصيبة العرب ما يفكرون الا في ملئ البطون ..


11) برنامج تحرص /ي على مشاهدته يومياً في رمضان؟
اذاعة القرآن الكريم بكل الأوقات وعلى مدار السنة ولو خرب الراديو حق السيارة انعن جدف الشركة اللي صنعته .. يعني ليش يخرب !!! ههههاي



12) ثلاث دعوات لحضور وجبة الأفطار معك لمن ترسلها / يها من أعضاء المنتدى .. بصراحه ؟
وووووووووووووووه رحنا فيها وطي ما توقعت ذى السؤال لكن الله المستعان ورطة وقعنا فيها :
طيب دعوة لبدور .. دعوة ليان .. دعوة لترياق .. والله ما ادعوا ولا شاب لو تتفجرون ..
طبعا بيجلسون مع بنات أختي واحدة مخلصة كلية هندسة صناعية والثانية أخر سنة هندسة حاسوب والصغنونة خريجة ثانوية عامة وتبي تدرس طب ولا هي متنازلة مرة المنعونة



13) أمنية تتمنى أن تتحقق لك /ي خلال هذا الشهر الفضيل ؟؟
ان ينصرنا الله نصرا مؤزرا على اسرائيل وبشار الأسد والصهيونية العالمية وقادتها

14) كلمة أخيره ?
اشكر أختي الغالية بدور على اختيارها المزعج لأنني منزعج جدا وكنت تعبان ولا ابي أحد يكلمني وتفاجأت باختيارها .. الله يسكنها الفردوس الأعلى في الجنة ويوفقها بالدنيا والآخرة ويرزقها بمطوع مثل حالتي ..
طبعا الآن جاء الدور كي ارشح عضو بعدي , اعتقد كذى النظام .. صوووووووح .. انا ابي ارشح مين .. مين .. مين .. ياعبدالواحد .. بارشح هوازن تجيبوها غصب عنها ومن فوق خشمها .. مسلسلة ..