شلون صرتي تاخذيني من حياتي وتزرعيني :
بكلّ تفاصيلك بنفسج ..
في حضورك ، والغياب ..
أجمع أشواقي وأجيلك ، بكيفك أنتي توزّعيني ..
أبتسم رغم إنطفائي ..
رغم حزني ، والضّباب ..
ورغم هذا الإنكسار ، لا حضرتي ارتفع كلّي شعور ..
وأنثر بدربك ( هلا ) .. وأنتشي أكثر ( ونور ) ..
صدّقيني صرت مـ ادري شنو إحساسي معاك ..!!
بس أعرفه أنّه جميل ..
شي ناعم ..
شي راقي ..
وشي آخر ..
أعتقد أنّه ربيع ..
..
..
هناك أسولف لك حياتي ..
وأكثر أشيائي الدّفينة ..
هناك افضفض لك دخيل ..
وأعترف لك بإنشغالي ، وإنتظاري ..
وكيف صرتي تاخذيني من خفوقي
لاحضرتي أنسى نفسي ..
وعمري اللي فات ، وسنيني الحزينة ..
وارتمي كلّي بحضورك ..
فرحة الغرقان ..
صيريـ ـلي سفينة ..
يا حنينة ..
-