-
-
المباني حزينة والجدران مكسوره
و الزرع ذابل و أنا مكسور الجناح
ما غير أطالع عيونك اللي بالصوره
أطالعها و أقول يمكن . ارتاح !
يمكن تحسين بالشاعر و شعوره
و تجين و يتمايل غصن تفاح
الغصن يا محبوبه طارت طيوره
وبإيدي الخرز طاح و إنفل مسباح
المشاعر فيّ حية و فيك مقبوره
متى تنبشها يا شاطر بالجراح
يا غاليه ارجعي وبقول معذوره
لو دروبك شوك و طعون و أشباح
لو طعت ..هرج العذول .. و شوره
كان ما ضاع صبري وعندي المفتاح
يمكن هذي الدنيا تاخذ لها دوره
و أنساك يا محبوبٍ خذلني وراح