عندي كلام وخاطري لك أقوله
وأبغيك تفهم مقصدي ياريش العين
محداً جبرك ولكل شخص ميوله
وترى الصراحه راحه بين الاثنين


الحب أكبر من كــلام تقولــه
وأكبر من إلي ينكتب بالــدواوين
تــوك صغير تعيش سن الطفـــوله
ويـــن المحبه وإنت يامعذبي ويــن


عــذرك أعرفــه كل يوم تقـوله
آسف حبيبي قلتهــا بالمــلايين
إفهم ترى ولكل شي أصولـــه
والحب له ناس على الحب وافين


قــررت أنــا أبعد وأتــركك بسهولــه
وأتــرك حياة عشتهــا بين ناريــن
راعــي المثل صادق ويــازين قولــه
مـــاتنجبر روح على روح يـــازين

كلمات : عيد الشمري
اللحان : عيد الشمري
غناء : الفنانه الاماراتيه . اريام