وش يضرك لو تجي عندي واجيك..؟
خلنا في الحب نسقي هالشفاه..
لو تبيني صرت أنا والله ابيك..
المسافه بيننا حذفة حصاه..
شوق قلبي دوم يسألني عليك..
وين خلك وين ارضه من سماه..؟
الغلا يانور عيني محتريك..
إنت روحه ياهوى وانتا مناه..
والله إنّ ابيع عمري واشتريك..
لنك اللي تروي القلب وضماه..
ياحبيب القلب خذني بين اديك..
خلني كالطفل في حظنك دفاه..
ليش خوفك من لقانا يعتريك..
الفراق يزيد من قلبي أساه..
لا تخاف أرجوك قربني اليك..
الحياة بدون قربك.. مو حياه..
إنت يالغالي على قلبي مليك..
وانت تامرني مثل أمر الولاه..
حبك بقلبي ترا ماله شريك ..
وانت أقرب شخص ذابحني غلاه..
جنتي في الأرض شوفة وجنتيك..
ياجميل(ن) كيف جنني حلاه..
والله إني ياالغلا محسود فيك..
والعذول.. (إفراقنا) هو مبتغاه..
حبنا يازين مشتد وسميك ..
ماعلينا امن العواذل والوشاه..
ياحبيبي ان كنت انا غالي عليك..
لا تخلي من يحبك في شقاه..
قلبي العاشق حبيبي يحتويك..
وغير حبك قلبي العاشق رماه..
جعلني افديك وافدي والديك..
وجعل هالدنيا بما فيها فداه..