عيد الخواريف ( عيد الحب )
انا مدري ليه عيد الحب والكرسميس
المسلمين يفرحوا فيها اكثر من النصارى
انا كنت ومازلت بس على خفيف حاليا احب التيشرتات الحمرا
مره بالليل لبست تيشرت احمر وجنز ازرق وتكرمون شوز ابيض ومخطط لأحمر
ونزلنا أفخم وادشر شارع بالمدينه شارع سلطانه
الناس من حولي كلهم بالشارع لابسين احمر فأحمر
عرفت انه بعدين عيد الحب
استحيت على نفسي وأقول للعيال مشينا وهم يقولون اصبر
لين مادريت المطوع يوم خمني بقفى التيشرت
صلي ع النبي ياولد فك ماتفك الا يوم تليموا علي اربعه
وكرفسوني بالجيب وعلى قسم الهيئه
ويتونسون علي محتفل
ايّام الهيئه بعزها
وانا احلفلهم أني مادريت غير تو
وحلفان ويمين لين اخر شي اقتنع واحد ورحمني
قال احلف ع القران ونفكك
واحلف ويفكني الله
ومن يومها لاجيت البس تيشرت احمر اسأل
هو عيد حب ولا لا
وانا جالس بالقسم
فيه مطوع يسعدلي جوه وانا جالس كل شوي يناديني باسمي
لاقلت نعم قال ياحب كيف الجيب
ههههههههه