منتديات مسك الغلا | al2la.com - عرض مشاركة واحدة - روآية سعوديـآآت في بريطـآنيـآ / كـآآملهـ ..~~///

**wa7dh.-.mo0on** · 08-23-10, 08:36 AM

الساعه 7 الصباح ..

فتح ابو ذوق الباب على بنته بعد مارجع حبسها امس

ذوق كانت نايمه لكنها انتبهت بحركة الباب

بوذوق يحركها بقوه : ذوق ذوق ..

ذوق قصرت الشر : نعم

بو ذوق : قومي تحركي البسي عبايتس

ذوق : ليه ..؟ على وين ..؟

بوذوق : مالتس دخل البسي وانتي ساكته

ذوق قامت وهي خايفه : ان شاء الله بس ابدل وم

بو ذوق : مايحتاج البسي عبايتس على البيجامه

ذوق : البيجامه لا كيف

بو ذوق : بسرعه

ذوق : لا يبه ماينفع كيف اطلع من البيت بالبيجامه

بو ذوق سحب العبايه من الشماعه ورماها بوجهها : ماضيعتس الا سواليفتس هذي انتي والفسقانات ربعتس

ذوق شالت العبايه من الارض وعيونها مغرقه كيف ابوها ينظر لها بكل هالحتقار بعد ماكان يحضنها ويحبها : طيب بغسل وجهي

بو ذوق : بسرعه قدامي

ذوق هزت راسها ودخلت للحمام تغسل وجهها ثلاث اربع مرات كانت تبغى المويه تطفي حرارة جسمها من القهر والذل اللي تحس فيه ....

بو ذوق : بسرعه فرشي اسنانتس واطلعي

ذوق بلعت ريقها : حاضر

طلعت من الحمام بعد مافرشت اسنانها ... لبست عبايتها وهي تفكر وين ممكن ابوها يوديها اكيد لامها بيت جدها ..

رركبته معه السياره وهي ساكته ..

بو ذوق : غطي وجهتس يا مسودت الوجه ولتسعين تكشفي بعد واسمعي من اليوم وطالع تلبسي عبايه مثل بنات خلق الله عباية راس يمكن تكفر لتس ذنوبتس .. مع انها حرام عليتس وعلى اشكالتس ..

ذوق غطت وجهها وهي تبكي الدموع خاوتها بالفتره الاخيره ...

بوذوق دق جواله : الو مرحبا

محمد : هلا والله كيفك يالنسيب

بو ذوق : الحمدلله وانت كيفك وكيف العيال وعروستنا

محمد: كلهم بخير يابو رائد بغيتك بموضوع

بو ذوق افكار كثير صارحت تدور براسها اكيد بيطلب من رائد يطلق البندري بعد فضيحة بنته : ابشر يابو مشاري امرك والا تكرني

محمد : لا امرك انا بالبيت اليوم ان شاء الله

بو ذوق : ان شاء الله صار بعد صلاة المغرب

محمد: اوكيه اشوفك على خير

بو ذوق : حياك الله مع السلامه ..

محمد: مع السلامه
سكر من عند محمد وقلبه مو مرتاح وش يبي فيه محمد ..وهم علاقتهم اقل من السطحيه لان بو ذوق يكره الشرطه ورجالها ..

ذوق بعد تردد : بابا وين ررايحين ه

قاطعتها بو ذوق معصب : كلي تبن ياراس المصايب كل شي من تحت راسك ... الله يسود وجهتس مثل ماسودتي وجهنا ..

ذوق سكتت ودموعها على خدها ...

بو ذوق تفل عليها : تفوا عليتس وعلى تربيت امتس ...

ذوق صار عندها احساس بالكره الفضيع لابوها ولامها ولنفسها كرهت كل شي حولها والحياه صارت سوداء بالنسبه لها ...تمنت انها ماتت مليوون مره ولا تعيش مثل هذا الذل ونظرات الاشمئزاز والعار من اغلى الناس على قلبها ...

%%%%%%%%%%%%%%%%%%%%%