بما أني من احد الأعضاء اللذين اشرت لهم بالبنان بعدم الفهم

خلينا نفنط مشكلة الأخ سطر سطر

وإذا كنت اخي المدير من الناس اللي تلقطها وهي طايره
الله يعطينا ما اعطاك من حس وقدره



انا مواطن من احد الدول العربيه حاصل على شهاده جامعيه والحمد لله كل ما اقدم

على وظيفه انقبل ولله الحمد الا ما ندر


هنا الأخ الفاضل واضح انه من الدول ألعربيه وأنه متوفق بالوضايف
الله يزيده من فضله


المشكله !!!!

من هنا تبدأ التحويلات والحفريات والمطبات بالموضوع

—-—

انقبل على غير تخصصي واقول مومشكله مع الوقت راح اتعلم يمر الشهر الاول


وانا جالس محد عبرني يمر الشهر الثاني يقول مديرك لا تستعجل على الشغل


الحياه تخلص ماخلص الشغل تروح لشئون الموظفين يقول لك خلاص اكلمهم



ولا حياه لمن تنادي البعض منهم قصدي الموظفين الجدد يقولوا مدام يجينا راتب



ماعلينا والبعض يدق الكرت وما يجي الا نهايه الدوام واخر الشهر ياخذ الراتب

............................................

إلى هنا الموضوع عادي ومفهوم
أنا من احد الأشخاص اللي انقبلت بتخصص غير تخصصي
ومن احد الأشخاص اللي كنت ادق البصمة واخرج بداية الدوام ما أجي الا على نهاية الدوام

.........................
وبعد فتره جاء موظفين جدد بس اجانب والله العظيم من اول اسبوع علموهم


الشغل وكل شويه واحد يجلس معاهم ويخلوهم ياخذوا اوفر تايم اذا راح الموظفين


ويعلموهم وبعد سنه او سنتين يصيروا محترفين ويهاجروا الي دبي او قطر


او الي اي دوله برواتب عاليه والموظفين المحليين قاعددين يهشوا الذباب عن


وجوههم راتبهم ما يتعدي 5000 ريال

...............................

اخوي احمد إذا أنت تقنص ارانب أكيد تسمع بعوصة الارنب
للمعلومية عوصة الأرنب هي مثلا أنت تطرد أرنب بسرعة خمسين أو ستين كم بخط مستقيم
فجأة الأرنب تلف بزاوية قائمه لليمين أو إلى اليسار
وهذا الشئ اللي يسبب الانقلابات اثناء المطارده
مثل ماصار مع الأعضاء اللي اشرت لهم بالبنان
تقلبت روسهم وأنا منهم
يعني

احنا ماعرفناله بالأول يقول أنا من احد الدول ألعربيه
وبعدين جلس يتسخط ع الاجانب مثلنا يوم كنا نتحلطم منهم
اوفر تايم ومزايا واهتمام
بعدين جالس يتحسر على وضع الموظفين المحليين ويندب حظهم

ماوضح هل هو مقيم ولا سعودي عشان نرد عليه
شبك روسنا مثل الارنب

وللمعلوميه كلمة اجنبي دارجه في جميع العالم
أنا كسعودي لو اخرج من بلدي لبلد ثاني اعتبر اجنبي >> عشان حقين العنصرية لايدرعمون

.....................................

سوالي ....لوزاره العمل لماذا لا يتم مراقبه الموظفين المحليين من فتره لاخري

.....................................

الحين رجع للموظفين المحليين
اول كان حزنان عليهم
والحين يبي الوزاره تلتفتلهم
من حيث يبي الوزاره تلتفتلهم مابين لنا مفهوم الالتفاف اللي يقصده
هل هو يطالب الوزاره تلتفتلهم عشانهم يخرجوا ومايرجعوا الا نهاية الدوام
أو عشان يطورونهم ويهتمون فيهم
أو عشان رواتبهم

مطالبته الوزاره مبهمه

............................

لان ما يحدث في الخفاء هو مافيات اجنيه وليس موظفين فقط داخل البلد

................

حاب أقولك صح النوم توك تدري انها مافيات
بس الحمد لله مو مثل قبل


الأعضاء بالصفحة الأولى تقريبا كلهم مافهموا
مو بس الأعضاء اللي اشرت لهم بالبنان

لايفهم الغامض الا الغامض
أما البسطاء لايفقهون بالغموض شئ مثلي أنا واللي اشرت لهم بالبنان