بو ذوق : ذووووق ذوق ياحماره

ذوق ركضت لابوها وهي ترتعش : هلا بابا

بو ذوق : كم مره قلتلتس لاتقولي بابا بلسانتس النجس ..

ذوق دموعها جفت من كثر البكي نزلت راسها : .............

بو ذوق : امتس عرفت ان رائد ماكان بعبارة السلام

ذوق طلع صوتها مبحوح : ايوه ...

بو ذوق : وش قالت ..؟

ذوق : مادري مو انا اللي قلتلها

بو ذوق بعصبيه : اجل من حبيبتس فيصل ..

ذوق نزلت دمعتها ومسحتها بسرع علشان مايشوفها ويضربها : لا نادبه ..

بو ذوق : اها ..اسمعي اخوتس رائد بيطلع بعد يومين اوبالكثير ثلاث ايام ..

ذوق شهقت : رودي بيطلع ... متى وكيف ..؟ان

بو ذوق : لايكثر هرجتس بس وانقلعي من وجهي انا اقولتس علشان تجهزي له غرفه غير غرفته اللي قبل لانه بياخذ عروسته من غير عرس

ذوق : من غير عرس كيف بنو عارفه ..؟

بو ذوق : يله تحركي انتي وجهتس ..

ذوق : .....
وقفت متردده تحكي مع ابوها ولا لا

بو ذوق رمى الريموت على وجهها : جعلتس ماتطبين لجنه ان شاء الله اتحركي ماتسمعين

ذوق قفزت من مكانها وحكت ايدها على كتفا مكان الريموت وهي تغالب دموعها : بابا انا... ان..... – بلعت ريقها- بابا مم

بو ذوق ناظرها باحتقار : وش تبين انتي وجهتس

ذوق بشجاعه مصدنعه قالت بسرعه : بابا ممكن اروح لزواج لوجين بعد بكره ..

بو ذوق باستهزاء : نعم وش قلتي عله ذوق ماسمعتس

ذوق بلعة ريقها : بابا تكفى بس ساعه ساعه ورجع

بو ذوق : كل خراتس ماعاد الا هي بعد سواد وجهتس ناويه تطلعي والله ماخربتس ا لا هذي لوجين وشلة لفساد

ذوق نزلت دموعها اللي مسكتهم وصرخة وهي ترتجف : بابا انت ليه تكرهني بابا انت قاسي

بوذوق حن قلبه على شكل بنته تنرحم شكلها يكسر لخاطر

ذوق انهارت : بابا انا احبك بابا انت حبيبي والله اسفه انا غلطت – رمت نفسها عند رجل ابوها تبوسها – والله احبك...
كل الناس تحتقرني الا انت ماتحمل اشوف هذي النظره

بو ذوق كان نفسه يضم بنته ويمسح على شعرها بس اللي سوتها بنظره مو قليل مو قليل ابدا : ابعدي عني يالفاخره انتي سودتي وجهي وجه امتس ومالتس بقلبي مكان ....
ابعدها بايده عنه : كان فكرتي فينا قبل وفكرتي بنظرتي على قولتس ياذوق انتي خنتي ثقتنا فيتس انت م

ذوق ركضت لغرفتها ماتبغى تسمع شي اللي فيها مكفيها خلاص غرفت غلطها واندمت عليه وتتمنى انها ماتت قبل لاتسويه ...

%%%%%%%%%%%%%



الجوري جالسه بصالة بيتها الجديد استقلت فيه بعيد عن ام سعود ولمياء ومشاكلهم (( ههههه يام سعود حاكيه مع عمي علشان يخرب علينا واترك ذوق ..ويهددنا بالفلوس والبيت هههه والله مادريتي انا عمي يشتري بدر ويشتري ابوه ههههههه ))

بدر طالعه من الغرفه وهو معقد حواجبه من قوة النور : جواره وش فيك صاحيه ..؟


الجوري وعلى وجهها ابتسامه : حبيبي ازعجتك ..؟

بدر يتثاوب : اكيد النور طالع من فتحت الباب ..وش عندك مانمتي ..؟

الجوري : بدر تعال شوي

بدر يتثاوب اكثر : هااااا

الجوري : تعال وش خسران

بدر راح عندها : ها ترى فيني النوم ..

الجوري : عادي عمي المدير وانا بتوسط لك عنده اذا تاخرت

بدر : ههههههه كاشخه بنت اخ المدير

الجوري وقفت : تعال نتمشى بره البيت

بدر : ها لحين

الجوري تناظر الساعه : تو الناس الساعه 11 انت اللي نايم بدري

بدر : يله تعالي

جلسوا على درج مدخل البيت

بدر : هههههههههههههههه

الجوري : ليه تضحك؟

بدر : اللي يشوفنا يقول مخترعين بالبيت الجديد

الجوري : ههههههههه

بدر : هههههه

الجوري تتامله : الله لايخليني من هالضحكه ..

بدر ناظرها مستغرب : وش عندك ..؟

الجوري ابتسمت بحب واسندت راسها على كتفه : سلامتك كذا بس مشتاقتلك

بدر : هه ههه اربع وعشرين اعه بوجهك ومشتاقه لي لا عندك شي ثاني

الجوري نزلت دموع من عيونها بللت كتفه لف عليها مستغرب : الجوري وش فيك

الجوري: لااااا لاااا لاتتحرك خلني كذا على كتفك وبحكي لك كل شي

بدر : جوري خوفتيني ساعه تضحكين وساعه تبكين م

الجوري مسكت ايده وباستها : الله يطول بعمرك ويحفظك لي

بددر عقد حواجبه خاف عليها تصرفاتها ماتطمن بس ابتسم وباس ايدها : ويطول بعمرك انتي ولا يحرمني منك


الجوري وهي تناظر السماء وراسها على كتفه : بدر انت عارف انك هاللحين عندي الدنيا ومافيها